Gənədən qorunma yolları

Yay aylarında daha açıq geyinildiyi və həşəratların çox olduğu üçün allergiya daha da qabarır.

Bunun səbəbi həm həşərat dişləməsi, həm də müxtəlif bitkilər ola bilər.

BiG.AZ xəbər verir ki, yayada həşərat dişləməsindən bir çox insan əziyyət çəkir. Əsasən də gənə dişləməsindən.

Gənə dişlədikdən sonra güclü fəsadlar yarana bilər.

Gənə- tünd qırmızı rəngdə, yastı, oval, 8 ayaqlı bir parazitdir.

Çox xırda olub, bəzən mikroskopik hörümçəyə oxşayır.

Ölçüləri 0,1 mm-dən 0,5 mm-ə qədər olur.

Bəzən uzunluğu 3 mm olan nəhənglərə də rast gəlinir.

Onların belə müxtəlif ölçülərinin olması, müxtəlif yerlərdə yaşamaları ilə izah olunur.

Gənələrə torpaqda, meşədə, bitkilərdə və onların toxumalarında, suda (adətən şirin sularda) rast gəlmək olar.

Bəzi gənələr parazit həyat tərzinə keçmişlər və buna görə də onlara heyvanlarda, dəniz və okean sahillərində də rast gəlinir.

Gənə hallarına rast gələn zaman nələr edilməsi barədə məlumatlı olmaq mütləqdir.

Yaşıl yerlərdə uzunqol paltarlara üstünlük verilməlidir.

Şalvarın ayaqları açıq qalmamalıdır. Mümkünsə açıq rəngli paltarlara üstünlük verməliyik.

Mümkünsə həşərat kovucu sprey və losyonlardan istifadə edilməlidir. Evə qayıdan kimi bütün bədən yoxlanılmalıdır. .

Əgər gənə dişləyibsə, onu sıxmadan çıxarmaq lazımdır.

O bədəndə nə qədər uzun müddət olarsa, bir o qədər qan udur.

Qanı sovurduqdan sonra tüpürcəkdəki virusu orqanizmə yeridir.

Telegramda izləyin

instagramda izləyin