Portağal içində qəhvə

Özünəməxsus dadı, köpüyü, qoxusu və təqdimat tərzi ilə çox məşhur olan türk qəhvəsi son zamanlar portağalda bişirilməsi ilə gündəmə gəlməyə başlayıb.

Portağalda qəhvə dadmaq istəyən bir çox insan kilometrlərlə yol qət edərək Balıkesirin Havran qəsəbəsini ziyarət edir.

Fincan əvəzinə portağalda təqdim edilən türk qəhvəsi, dad baxımından çox adamı özünə cəlb edir.

Təxminən 7 ilə yaxındır müştərilərinə portağalda qəhvə təklif edən Fahri Birgül portağaldakı qəhvə hekayəsini belə danışıb: "Dağlıq bölgədə heç bir materialımız yox idi.

Belə bir şey sınadıq. Müştərilərimiz bunu bəyəndi.

Buna görə də fərqli bir şey olduğunu düşündük.

Hamısı təbii. Qəhvə və portağal. Başqa heç nə yoxdur.

Demək istədiyim odur ki, onu içmək üçün təxminən əlli kilometrdən bura gələnlər var" - deyə o bildirib./BiG.AZ

Telegramda izləyin