"Qurana hörmətsizlik Rusiyada cinayətdir" - Putin

Rusiya prezidenti Vladimir Putin bəzi ölkələrdən fərqli olaraq Rusiyada Qurani-Kərimə hörmətsizliyin cinayət olduğunu və Rusiyanın bu hüquqi qaydalara hər zaman əməl edəcəyini bildirib.

Sonxeber.az xəbər verir ki, Rusiya Federasiyasının Dağıstan Respublikasının Dərbənd şəhərindəki Cümə məscidinə səfəri zamanı Rusiya prezidenti Vladimir Putin Quranın müsəlmanlar üçün müqəddəs olduğunu, ona hörmətsizliyin Rusiyada cinayət olduğunu bildirib.

"Quran həm müsəlmanlar üçün, həm də bütün insanlar üçün müqəddəs bir yadigardır. Biz bilirik ki, başqa ölkələrdə fərqli davranırlar, insanların dini hisslərinə hörmət etmirlər, üstəlik, bunun cinayət olmadığını deyirlər. Rusiyada dinlər arasında təfriqə salmaq cinayətdir" ,- deyə Putin bildirib.

Putinə Quran hədiyyə edilib.

Putinin bu açıqlaması İsveçdə Qurban bayramının ilk günü Quranın yandırılmasına icazə verilməsindən sonra olub.

Rusiya lideri həmçinin vurğulayıb ki, Rusiyada müsəlmanlarla pravoslav xristianlar arasında olan qardaşlıq münasibətləri rus xalqının birliyini və həmrəyliyini möhkəmləndirir.

Şəbnəm Lətifi

Telegramda izləyin