Paşinyan Rumıniyanın Baş naziri Marsel Çiolakunu vəzifəyə başlaması münasibətilə təbrik edib

Ermənistanın Baş naziri Nikol Paşinyan Rumıniyanın yeni baş naziri İon-Marsel Çiolakunu vəzifəyə başlaması münasibətilə təbrik edib.

Sonxeber.az xəbər verir ki, bu barədə erməni mətbuatı məlumat yayıb.

"Ermənistan Respublikası hökuməti adından sizi Rumıniyanın Baş naziri seçilməyiniz münasibətilə ürəkdən təbrik edirəm və sizə sonsuz güc və davamlı nailiyyətlər arzulayıram. Ermənistan Rumıniya ilə həm ikitərəfli, həm də çoxtərəfli platformalarda, xüsusilə Aİ çərçivəsində və əlaqə sahəsində əməkdaşlığın inkişafını yüksək qiymətləndirir. İki dost ölkəmiz arasında tərəfdaşlığın daha da genişləndirilməsi və dərinləşməsi naminə sizinlə işləməyə hazır olduğumu bildirirəm. Əminəm ki, sizin fəaliyyət müddətiniz ölkələrimiz arasında ümumi dəyərlərə, mədəni oxşarlıqlara və möhkəm tarixi dostluğa əsaslanan dövlətlərarası münasibətlərin və çoxsahəli əməkdaşlığın inkişafı ilə əlamətdar olacaq. Rumıniya-Ermənistan icması bizi mühüm bir körpü kimi birləşdirəcək" ,- deyə Paşinyan bildirib.

Telegramda izləyin