"Makron regionda vəziyyəti gərginləşdirmək əvəzinə yaxşı olardı ki, öz ölkəsində sabitliyi və firəvanlığı təmin etsin" - DEPUTAT

"Makron prezident seçildiyi vaxtdan bu günə qədər anti-türk siyasətini davam etdirməkdədir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, bu gün Fransa regionda vəziyyəti gərginləşdirmək və Cənubi Qafqazda davamlı sülhün yaradılmasına mane olmağa çalışır:

"44 günlük Vətən müharibəsindən sonra Fransa regionda yaranmış yeni reallıqlarla barışmaq istəmir. Ona görə də müxtəlif yollarla sülh prosesini ləngitməyə çalışır. Fransa dövlətinin və prezidentinin atdığı addımlar, verdiyi açıqlamaların hər biri regionda vəziyyəti yenidən gərginləşdirməyə xidmət edir. Makronun proseslərə təzyiq cəhdləri ilə bağlı söylədiyi fikirlər isə uydurmadan başqa bir şey deyil".

Deputat vurğulayıb ki, Makron regionda vəziyyəti gərginləşdirmək əvəzinə yaxşı olardı ki, öz ölkəsində sabitliyi və firəvanlığı təmin etsin:

"Bu gün Makron demokratiyadan və söz azadlığından danışsa da, öz ölkəsində söylədiklərini tətbiq etməkdən acizdir. Fransada irqi ayrı-seçkilik zəmində insanların öldürülməsi və döyülməsi buna sübutdur. Makron xalqı qarşısında inamını çoxdan itirib. Son günlər Fransada baş verən aksiyalar Makronun uğursuz siyasətinin sonunun gəldiyinin göstərir. Fransada insanlar küçələrə axışır, ölkədə yaranmış irqi ayrı-seçkiliyə yox deyirlər. Bütün bu baş verənlərin hər biri Makronun siyasi karyerasının sona çatdığının göstəricisidir".

Telegramda izləyin