Bölgələrdə arabir qısamüddətli yağış yağıb, şimşək çaxıb - FAKTİKİ HAVA

Milli Hidrometeorologiya Xidmətinin iyulun 16-sı saat 9:00-a olan məlumatına əsasən ölkə ərazisində hava şəraiti əsasən yağmursuz keçib, lakin bəzi yerlərdə arabir qısamüddətli yağış yağıb, şimşək çaxıb.

Bu barədə Ekologiya və Təbii Sərvətlər Nazirliyinin Milli Hidrometeorologiya Xidmətindən məlumat verilib.

Ordubad, Xaltan, Tərtər, Beyləqanda üç mm-dək olub.

Qrız, Şahdağda duman müşahidə olunub.
Şimal-qərb küləyi Naftalanda arabir 18 m/s, Bakıda və Abşeron yarımadasında arabir 19 m/s-dək güclənib.

Neft daşları stansiyasının məlumatına əsasən dalğanın hündürlüyü iki metrə çatıb.

Havanın maksimal temperaturu: İyulun 15-i Bakıda iqlim normasından 2,5 dərəcə yuxarı olub. Bakıda və Abşeron yarımadasında 37 dərəcəyədək isti, Naxçıvan MR-da 37 dərəcəyədək isti, aran rayonlarında 38 dərəcəyədək isti, dağlıq rayonlarda 28 dərəcəyədək isti olub.

Telegramda izləyin