Seneqalda baş verən yol qəzasında 23 nəfər ölüb

Seneqalın şimalında baş verən yol qəzasında azı 23 nəfər ölüb.

Sonxeber.az xəbər verir ki, ölkənin şimalındakı Sen-Lui şəhərinə gedən sərnişin avtobusu Luqa şəhəri yaxınlığında aşıb.

Qəzada 23 nəfər ölüb, 30 nəfər yaralanıb.

Yanvarın 8-də Dakardan 250 kilometr aralıda yerləşən Kaffrin şəhəri yaxınlığında 2 avtobusun toqquşması nəticəsində 41 nəfər həyatını itirib, 100 nəfər yaralanıb.

Qəza xəbərindən sonra ölkədə 3 günlük ümummilli matəm elan edilib.

Qəzadan təxminən bir həftə sonra Saint-Louis Louga xəttində şəhərlərarası sərnişin daşıyan mikroavtobus qarşısındakı eşşəyə çırpılıb və hadisə nəticəsində 19 nəfər ölüb.

İctimaiyyətdə ciddi müzakirələrə səbəb olan yol-nəqliyyat hadisələri ilə əlaqədar hökumət yol təhlükəsizliyi ilə bağlı bir sıra tədbirlər görüb.

Rəsmi rəqəmlərə görə, 17 milyon əhalisi olan Seneqalda hər il təxminən 700 nəfər yol qəzalarında ölür və qəzaların 90 faizi insan səhvi nəticəsində baş verir.

Telegramda izləyin