Kanadada daşqınlarda itən 4 nəfərdən 3-nün cəsədi tapılıb

Kanadanın Yeni Şotlandiya əyalətində güclü yağışın yaratdığı seldə itən 4 nəfərdən 3-nün cəsədi tapılıb.

Sonxeber.az BBC-yə istinadən xəbər verir ki, Kanada polisi eyni avtomobildə olan 2 uşağın cəsədinin tapıldığını açıqlayıb.

Polis seldə itən başqa bir avtomobildə olan 52 yaşlı kişinin cəsədinin tapıldığını, lakin eyni avtomobildə olan gəncin hələ də itkin qaldığını deyib.

Səlahiyyətlilər itkin düşən yeniyetmənin axtarışlarının davam etdiyini bildirib.

Kanadada iyulun 21-də başlayan şiddətli yağış səbəbindən elektrik kəsilməsi nəticəsində 80 mindən çox insan zərər çəkib, əyalətin bəzi bölgələrində fövqəladə vəziyyət elan edilib.

Bildirilib ki, ölkənin bəzi ərazilərində normal olaraq 3 ayda yağan yağış 24 saata düşür.

Kanada Meteorologiya Xidməti vilayətin şərq bölgəsində güclü yağışların iyulun 30-dək davam edə biləcəyi barədə xəbərdarlıq edib.

Telegramda izləyin