"Brüsselin çirkin niyətləri qabaqcadan bəllidir və ona görə də etimadını itirmişdir" - DEPUTAT

"Azərbaycanla Ermənistan arasında sülh danışıqların aparılması üçün Avropa İttifaqının təklif etdiyi platforma öz əhəmiyyətini itirir. Çünki, sülhün yaranmasına təşəbbüs göstərən tərəf birtərəfli mövqe tutmamalı və bir tərərfin maraqlarına xidmət edən başqa mövzuları ortaya atmamlıdır".

Bunu Sonxeber.az-a danışan deputat Azər Badamov bildirib.

Deputat qeyd edib ki, Brüssel Fransanın təsiri altındadır və orada aparılan danışıqlar milli maraqlarımıza əks ola bilər:

"Həm də Qranada görüşü ərəfəsində Şarl Mişel Azərbaycana qarşı qərəzli bəyanatlar səsləndirməklə sülh müqaviləsinin müzakirə edilməsinə təşəbbüs gğöstərmək etimadını itirmişdir. Yəni, Brüsselin danışqlar aparılmasının təklif etməsinin kökündə ölkələr arası münasibətlərin normallaşdırılmasına təşəbbüs göstərməkdən daha çox Fransanın Cənubi Qafqazda gücünü artırmağına xidmət etmək məqsədi dayanır. Əgər Brüsselin təşəbbüsü səmimi olsaydı 5 oktyabrda Qranadada keçirilən görüşdə Türkiyənin iştirakından imtina erməzdiələr. Necə olur ki, Ermənistana dayaq dayanan Fransa və onun əlaltısı Almaniya görüşdə iştirak edir, amma bizimlə qardaş Türkiyənin iştirakına imkan verilmir. Ermənistan sülh müqaviləsinin imzalanmasına maraqlı olsaydı Qranada öz aralarında keçirdiyi görüşdən bir həftə sonra keçirilən Bişkek görüşünə qatılardı və orda danışıqlar prosesini davam etdirilməsinə maraqlı olduğunu nümayiş etdirərdi. Və ya da bu problem regionda öz həllini tapmalıdır. Belə ki, danışıqların aparılması üçün ən yaxşı platforma Gürcüstandır. Paşinyan 5 saat Brüsselə və ya Qranadaya uçmağa hazırdır, amma 0,5 saatlıq Tiblisiyə gəlməyə vaxtı olmur.

Bu bir daha onu göstərir ki, Paşinyan sülh müqaviləsi adı altında Fransanın gücü ilə başqa mövzuları Azərbaycana qəbul etdirmək istəyir. Amma Paşinyan anlamır ki, Azərbaycan qalibdir və sülh müqaviləsindən kənar onun hər hansı bir istəyini reallaşdırmaq cəhdi yersizdir. Sülh müqaviləsi sərhədlərin delimitasiyası və demarkasiyası ilə nəticələnməli və kommunikasiyaların açılmasına xidmət etməlidir. Ermənistan isə çalışır ki, sülh müaviləsi adı altında Qarabağdan könüllü getmiş ermənilərin geri qaytarılması üçün saziş də imzalansın. Qarabağdan çıxmış ermənilər könüllü şəkildə gediblər və onların geri qayıdışı Azərbaycan vətəndaşlığı qəbulundan sonra mümkün olacaqdır. Bunun üçün elektron portal yaradılıb və geri qayıtmaq istəyən hər bir erməni ora müraciət etmək imkanına malikdir. Həm də əslən Qarbağdan olan ermənilər geri qayıda bilərlər. Buna paralel olaraq əslən Ermənistandan olan azərbaycanlıların geri qayıtması da təmin olunmalıdır. Öz doğma yurlarına geri qayıtma məsələsini ancaq ermənilərə aid edilməsi düzgün deyil. Brüsselin çirkin niyətləri qabaqcadan bəllidir və ona görə də etimadını itirmişdir. Ermənistan Azərbaycanla sülh danışıqları müzakirə etmək istəyirsə ən yaxşı məkan Tibilisidir. Əgər sülh müqaviləsi adı altında yenidən çirkin niyyətlərini reallaşdırmaq istəyirsə, bu mümükün deyil".

Telegramda izləyin