"Azərbaycanın yaşıl enerji ilə bağlı konkret hədəfləri var" -Deputat"

"Azərbaycan xam neft, təbii qaz, neft məhsulları və elektrik enerjisini ixrac edən ölkədir".

Bu sözləri Sonxeber.az-a Milli Məclisin deputatı Tamam Cəfərova deyib.

O bildirib ki, ölkəmizdə elektrik enerjisinin ixracı nöqteyi-nəzərdən böyük potensial var.

"Bu mənada Azərbaycan dörd qonşu ölkəyə enerji ixracını təmin edib. Gələcəkdə ölkəmiz digər bazarlara da elektrik enerjisi ilə çıxmağı hədəfləyib. Bu kontekstdə yeni stansiyanın inşa olunması ölkəmizin ixrac imkanlarını daha da artıracaq. Sözsüz ki, bərpaolunan enerji növlərinin inkişafı Azərbaycan üçün prioritet sahələrdəndir. Azərbaycanda mövcud olan sabitlik, iqtisadi inkişaf, qonşu ölkələrlə münasibətlər, nəqliyyat, kommunikasiyalar, elektrik xətləri nöqteyi-nəzərdən region ölkələri ilə sıx təmaslar unikal vəziyyət yaradıb. Qarşıdakı dövrdə Azərbaycan nəinki xam neft, neft məhsulları və təbii qaz, eyni zamanda, elektrik enerjisinin böyük istehsalçısı və ixracatçısı olacaq".

Telegramda izləyin