"Diplomatlarımızın əməyi qiymətləndirilir" - Nazir

Azərbaycan hökuməti diplomatlarımızın əməkhaqqılarının maliyyələşdirilməsi üzrə yeni qaydalar tətbiq edir.

Sonxeber.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında büdcə müzakirəsi zamanı maliyyə naziri Samir Şərifov deyib.

"Hesab edirik ki, hazırda bizim diplomatların əməyi layiqincə qiymətləndirilir", - deyə o qeyd edib.

Nazir Azərbaycanın səfirliklərinin mühafizə barədə də danışıb və bildirib ki, ölkə Prezidentinin tapşırıqlarına uyğun olaraq Nazirlər Kabinetində buna həsr olunmuş iclaslar keçirilib: "İclaslarda aidiyyəti dövlət qurumlarının nümayəndələri iştirak edib. Müəyyən tədbirlər planı hazırlanıb və onun icrasına başlanılıb. Bu məsələlər təkcə Azərbaycandan asılı deyil. Səfirliklərimizdə təmir və s. işlərin görülməsi həmin ölkələrin razılığı ilə əlaqədardır. Ümumilikdə, tədbirlər görülməkdədir".

Telegramda izləyin