Qurban Qurbanov: "Daha yaxşısını gözləyirdim"

Qurban Qurbanov: "Daha yaxşısını gözləyirdim""Daha yaxşısını gözləyirdim".

"Report"un Norveçə ezam olunmuş əməkdaşının məlumatına görə, bunu "Qarabağ"ın baş məşqçisi Qurban Qurbanov Norveç klubu "Molde" ilə səfərdə 2:2 hesablı heç-heçə etdikləri oyundan sonra mətbuat konfransında deyib.

51 yaşlı mütəxəssis "Aker" stadionunda baş tutan matçın ardından fikirlərini bölüşüb: "Oyunun gedişatına baxsaq, çox uğurlu nəticə oldu. Düşünürdüm ki, meydançaya tez uyğunlaşarıq, o qədər çətinliyimiz olmaz. Şükürlər olsun ki, futbolçular çətinliyə dözməyi bacardılar. Bir matçımız qaldı. Bakıdakı görüşə daha yaxşı şəraitdə hazırlaşacağıq. 1 xalın bizə faydası çox oldu. Amma arxayınlaşmaq olmaz. Son qarşılaşmada daha istəkli olmalıyıq. Bütün çətinliklərə baxmayaraq, futbolçular inamlarını itirmədilər".

O, bəzi əvəzetmələrin plana uyğun aparılmadığını söyləyib: "Əvəzetmələrə hazırlaşırdıq. Sadəcə, bəziləri gözlənilməz oldu. Rəqibə də qiymət vermək lazımdır. Çox keyfiyyətli komandadır. Sistemlərinə o qədər sadə şəkildə uyğunlaşıblar ki, nə edəcəklərini hamı bilir. İlk hissədə oyunun quruluşunda dəyişiklik olmuşdu. Sonradan meydançaya daxil olanlar özlərini pis tərəfdən göstərmədilər. Bir az balans pozuldu. Ancaq komandamızda əvəzetmədən mübarizəyə qoşulanlar istəkli və aqressiv oldular".

Baş məşqçi son dəqiqədə gələn bərabərlik topunun onlara qarşıdakı görüşdə müsbət təsir edəcəyini vurğulayıb: "Son dəqiqələrdə buraxılan və vurulan qollar komandanın böyüməsi üçün vacibdir. Son dəqiqədə vurulan qol komandaya əlavə motivasiya verir. "Bayer"lə görüşün son dəqiqələrində buraxdığımız top futbolçulara həddən artıq təsir etmişdi. Son dəqiqə qolları böyük oyunlara bənzəyir. Şansımız varsa, bundan maksimum istifadə edəcəyik. Son matçda daha diqqətli və fəal olmalı, soyuqqanlı oynamalıyıq. Konfrans Liqasının pley-offuna vəsiqəni təmin etməyimiz bizi sevindirir. İnşallah, futbolçularımız bununla kifayətlənməzlər".

Qurban Qurbanov qış fasiləsində heyəti gücləndirmək istədiklərini əlavə edib: "Bu gün çatışmazlıq bəlkə orta sahədə oldu. Həm Yankoviç, həm də Patrik yorulmuşdu. Düzdür, ehtiyatda Riçard Almeyda var idi. Amma Romaonun olmaması və Juninyonun da əvəzlənməsi planlarımızı pozdu. Qışda 2 oyunçu transfer etmək istərdim. Əlimizdə daha çox sağlam oyunçunun olması işimizi asanlaşdırar".

Təcrübəli çalışdırıcı müdafiəçi Bəhlul Mustafazadənin son dəqiqələri hücumda keçirməsinə də münasibət bildirib: "Bakıdakı görüşdə də iki mərkəz müdafiəçimiz riskə gedərək, hücumda oynamışdı. Bəhlul kornerdən sonra da hücumda qaldı. Hətta bildirdim ki, geri qayıtsın. Ancaq top orada qaldığı üçün Bəhlul hücumda qaldı və bundan istifadə etdi".

Qurban Qurbanov qrupun son qarşılaşmasının çətin olacağını deyib: "Bəzən son oyunlarda nəticəni əldən verdiyimiz anlar olub. "Hekken" qrupdakı bütün oyunlarında məğlub olub. İtiriləcək heç nələri yoxdur. Bura qələbə qazanmaq üçün gələcəklər. Həddən artıq istəkli olmağımız bizə mane ola bilər. Meydançada tapşırıqları düzgün icra etmək lazımdır. Rəqibin oyununa baxdıqdan sonra komandanı matça soyuqqanlı şəkildə hazırlamağa çalışacağıq".

Baş məşqçi bunu karyerasının ən gərgin oyunu hesab etmir: "Daha həyəcanlı və gərgin oyunlarım çox olub. Bu gün o qədər də həyəcan yox idi, rahat idim. Düzdür, qalib gəlsəydik, burada hər şey həll oluna bilərdi. İndi isə hər şey son tura qaldı".


Sonxeber.az Telegramda izləyin instagramda izləyin
İdman   Baxılıb: 562   Tarix: 01 dekabr 2023  

Şikayətiniz varsa Whatsapp: 051 7028255

Facebookda Paylaş


Tezbazar.az elanlar sayti

Oxşar xəbərlər

.

Qurban Qurbanov tarixi uğurdan sonra futbolçularına bu sözləri dedi - VİDEO

"Qarabağ" UEFA Avropa Liqasının pley-off mərhələsinin cavab oyununda doğma azarkeşləri önündə Portuqaliya klubu "Braqa"nı qəbul edib. İki görüşün nəticəsinə əsasən Qurban Qurbanovun yetirmələri 1/8 finala vəsiqə qazanıblar. xəbər verir ki, tarixi uğurdan sonra Qurban Qurbanovun paltardəyişm

23 fevral
.

"Qarabağ"ın oyununa biletlər 8 avrodan başlayacaq

Avropa Liqasının 1/8 final mərhələsində "Bayer"lə "Qarabağ" arasında keçiriləcək cavab oyununun biletləri sabahdan satışa çıxarılacaq. "Qafqazinfo" xəbər verir ki, bu barədə Almaniya klubu rəsmi saytı vasitəsilə məlumat yayıb. Bildirilib ki, sabah yerli vaxtla saat 12:00-d

26 fevral
.

"Qarabağ"ın futbolçusu 100-cü oyununa çıxdı

"Qarabağ"ın futbolçusu Elvin Cəfərquliyev Azərbaycan çempionatlarında 100-cü oyununu keçirib. "Qafqazinfo" PFL-ə istinadən xəbər verir ki, 24 yaşlı yarımmüdafiəçinin yubileyi Misli Premyer Liqasının XXIV turunun "Sumqayıt"la matçında gerçəkləşib. Start heyətində meydan

26 fevral
.

Avropa Liqası: "Qarabağ" – "Braqa" oyununda üçüncü qol vurulub - CANLI YAYIM

"Qarabağ"la Portuqaliyanın "Braqa" klubu arasında Bakıda keçirilən UEFA Avropa Liqasının pley-off mərhələsinin cavab oyununda üçüncü qol vurulub. Tofiq Bəhramov adına Respublika stadionunda baş tutan qarşılaşmada bu dəfə meydan sahibləri fərqləniblər. 102-ci dəqiqədə Mateuş Silv

22 fevral
.

İkardiyə CƏZA verildi - Bu oyunu buraxacaq

Türkiyə Futbol Federasiyası Peşəkar Futbol İntizam Komitəsi "Qalatasaray"ın futbolçusu Mauro İkardi ilə bağlı qərarını açıqlayıb. xəbər verir ki, PFDK argentinalı ulduzu 1 oyunluq cəzalandırıb. İkardi bu axşam keçiriləcək "Antalyaspor" matçında meydanda olmayacaq, həftə sonu oynanılaca

26 fevral
.

"Qarabağ" bu göstəricilərdə liderdir

UEFA Avropa Liqasının pley-off mərhələsinin cavab oyunlarından sonra statistik göstəriciləri açıqlayıb. "Qafqazinfo" qitə futbol qurumunun rəsmi saytına istinadən xəbər verir ki, "Qarabağ"ın oyunçusu Andrey Lunyov turnirdə ən çox qurtarış edən qapıçıdır. Azərbaycan təmsilçisinin braziliyal

23 fevral
.

Azərbaycanlı idmançı Gürcüstanda baş məşqçi təyin edildi

Azərbaycanlı idmançı Gürcüstan Tayboksinq və Kikboksinq Milli Federasiyasının Kvemo Kartli bölgəsi üzrə baş məşqçisi təyin edilib. "Report"un yerli bürosu xəbər verir ki, qurumun prezidenti Qoça Cavaxia bu vəzifəyə "Qaracalar" İdman Klubunun rəhbəri İsfahan Əliyevi gətirib. Qeyd edə

24 fevral
.

"Qəbələ" klubu yeni baş məşqçisini açıqlayıb

"Qəbələ" klubu yeni baş məşqçisini açıqlayıb. "Report" xəbər verir ki, Elmar Baxşıyevin istefasından sonra boş qalan posta gürcüstanlı mütəxəssis Kaxaber Tsxadadze təyin edilib. 55 yaşlı çalışdırıcı ilə 1,5 illik müqavilə imzalanıb. Tsxadadzenin köməkçisi vəzifəsində George Çixradz

25 fevral
.

Azərbaycan karateçiləri beynəlxalq turnirdə üç medal qazanıblar

Azərbaycan karateçiləri Birləşmiş Ərəb Əmirliklərinin Fujairah şəhərində keçirilən "Karate-1" turnirində 3 medal qazanıblar. "Report"un məlumatına görə, beynəlxalq yarışda yığma üzvlərindən ikisi qızıl, biri isə gümüş mükafata yiyələnib. 16-17 yaşlı gənc qızların liqasında Gülay Orucov

26 fevral