"Gələn il keçirləcək növbdənkənar prezident seçkiləri Azərbaycan tarixinə qızıl həriflərlə həkk olunacaq" - DEPUTAT

"2024-cü ilin fevralın 7-də Müstəqil Azərbaycan tarixində ilk dəfə olaraq bütün ölkə ərazisində seçkilər keçiriləcək".

Bunu Sonxeber.az-a danışan deputat İqbal Məmmədov deyib.

Deputat qeyd edib ki, ilk dəfə olaraq ki, fevralın 7-də keçirləcək növbdənkənar prezident seçkiləri Azərbaycan tarixinə qızıl həriflərlə həkk olunacaq:

"Fevral seçkilərinin ən şərəfli və qürurlu anı ondan ibarətdir ki, 30 ildən sonra evlərindən didərgin salınan sodaşlarımız müvəqqəti məskunlaşdıqları bölgələrdə deyil, öz doğma torpaqlarında səs verəcəklər.

Cənab prezident İlham Əliyevin ölkə başçısı seçildiyi gündən bu günə qədər bütün sahələrdə, xüsusilə də ordu quruculuğu sahəsində apardığı uzaqgörən siyasəti sayəsində 44 günlük Vətən Müharibəsi və 2023-cü ilin antiterror tədbirləri nəticəsində öz gücümüzə ərazi bütövlüyümüzü və suverenliyimizi bərpa etdik. Cənab prezident İlham Əliyev xalqa verdiyi bütün sözləri tutub. Xatırlayırsınızsa o, ilk dəfə ölkə başçısı seçilən zaman xalqımıza bütün Azərbaycan torpaqlarında üçrəngli barağımızın dalğalanacağı sözünü vermişdi. Belə də oldu. Müzəffər Ali Baş Komandan İlham Əliyev xalqa verdiyi sözü tam əməl etdi. Azərbaycanın ərazi bütövlüyünü və suverenliyini bərpa etdi. Bu gün Xankəndində, Şuşada, Xocalıda, Laçında, Kəlbəcərdə, Cəbrayılda, Zəngilanda, Füzulidə və digər rayonlarda üçrəngli bayrağımız dalğalanır. Cənab prezident İlham Əliyevin uğurlu daxili və xarici siyasəti nəticəsində beynəlxalq aləmdə ölkəmizə olan hörmət günbəgün artmaqdadır".

Deputat vurğulayıb ki, bu gün hər bir vətəndaş əmindir ki, cənab prezident İlham Əliyevin dəmir iradəsi və uğurlu siyasəti nəticəsində dövlətimiz bundan sonra da böyük uğurlara və zəfərlərə imza atacaq:

"Hazırda dövlət tərəfindən "Böyük Qayıdış" yolunda əmin addımlar atılmaqdadır. Qısa müddət ərzində Qarabağ və Şərqi Zəngəzurda yüksək səviyyədə bərpa və yenidənqurma işləri görülüb. Azad olunmuş ərazilərdə müasir texnologiyalar, "ağıllı şəhər" və "ağıllı kənd"lər inşa olunur, ən müasir şəhərsalma nümunələrindən istifadə edilir. Hazırda konkret vaxt və qrafik əsasında görülən işlər sayəsində sodaşlarımızın öz yurd-yuvalarında məskunlaşmasını davam etməkdədir. Hədəflərimiz böyükdür. Qarşıya qoyulan məqsədlərə çatmaq üçün fevralın 7-də keçirləcək növbdənkənar prezident seçkilərində aktiv olmalı və dövlətimizin parlaq gələyinə səs verməliyik".

Telegramda izləyin