3 uşaq analarının pensiya yaşı AZALA BİLƏRMİ?

Vətəndaşlar arasında ən çox ünvanlanan suallardan biri çoxuşaqlı anaların hansı yaşda pensiyaya çıxacağı ilə bağlıdır. Azərbaycan qanunvericiliyə müvafiq olaraq, 5 və daha çox övladı olan qadınlar onlar üçün müəyyən olunmuş yaş həddindən 5 il erkən pensiya üçün müraciət etmək hüququ var. Əvvəlki qanuna əsasən 3 uşağı olanlar 51, 4 uşağı olanlar 50 yaşına çatdıqda pensiyaya çıxmaq hüququ qazanırdı. Bəs hazırda 3 uşaq analarının pensiya yaşıazala bilərmi?

Məsələ ilə bağlı iqtisadçı Xalid Kərimli Sonxeber.az-a açıqlama verib.

"3 uşaq analarının pensiya yaşının azalması hökümətin təşəbbüsündən asılı olan bir haldır. İlk növbədə hökümət və Dövllət Müdafiə Fondu bu məsələni qaldırmalıdır. Bundan sonra parlament bu qərarı qəbul etməlidir. Bu məsələlər pensiya qanunu ilə tənzimlənir".

Qeyd edək ki, ölkədə 1 iyul 2023 - 30 iyun 2024-cü il tarixində kişilərin pensiya yaşı 65 il, qadınların pensiya yaşı 63 il 6 ay olacaq. 1 iyul 2024 - 30 iyun 2025-ci il tarixində isə kişilərin pensiya yaşı 65 il, qadınlar üzrə 64 il olacaq.

Telegramda izləyin