"Fevralın 7-də keçiriləcək növbədənkənar Prezident seçkiləri bir sıra özəlliyi ilə fərqlənir" - DEPUTAT

"Bu gün səbirsizliklə hər kəs fevralın 7-ni gözləyir".

Bunu Sonxeber.az-a danışan deputat İqbal Məmmədov bildirib.

Deputat qeyd edib ki, fevralın 7-nə təyin edilmiş növbədənkənar Prezidenti seçkiləri bir daha Azərbaycanın necə demokratik ölkə olduğunu sübut edir:

"Fevralın 7-də keçiriləcək növbədənkənar Prezidenti seçkiləri bir sıra özəlliyi ilə fərqlənir. Müstəqil Azərbaycanın tarixində ilk dəfə olaraq seçki bütün ölkə ərazisində keçiriləcək. Bu baxımından düşünürəm ki, fevralın 7-nə təyin edilmiş növbədənkənar Prezidenti seçkiləri ərazi bütövlüyümüzün və suverenliyimizin təsbitidir. Bu seçkilərin ən mühüm özəliyi il fevralın 7-nə təyin edilmiş növbədənkənar prezident seçkilərində prezidentliyə namizədlər işğaldan azad edilmiş ərazilərdə də təşviqat apara biləcəklər. Artıq yerlərdə ayrılıb. Belə ki, namizədlər Şuşa şəhər 1 saylı tam orta məktəbin akt zalında, Zəngilan rayonu, Ağalı kəndindəki Fəvvarələr meydanında, Ağalı kənd tam orta məktəbin akt zalında, Laçın şəhəri bulvar ərazisində, Laçın şəhərində yerləşən Lasinema Kino Mərkəzində, Laçın rayon Zabux kənd tam orta məktəbin qarşısında, Zabux kənd tam orta məktəbin akt zalında, Füzuli şəhərinin mərkəzi meydanında və Füzuli şəhər Mirzə Uluqbəy adına 1 nömrəli tam orta məktəbin akt zalında, Ağdərə rayonunun Talış kənd İcma Mərkəzində seçicilərlə görüşə biləcəklər. Məncə xalqımız üçün bundan böyük xoşbəxtlik ola bilməz".

Deputat vurğulayıb ki, bu gün Müzəffər Ali Baş Komandanımız cənab İlham Əliyevin müdrik və uzaq görən siasəti nəticəsində üçrəngli bayrağımız Xankəndidə, Şuşada, Xocalıda, Laçında, Kəlbəcərdə, Cəbrayılda, Zəngilanda, Füzulidə və digər azad olunmuş ərazilərdə şərəflə dalğalanır:

"Bu baxımdan şübhə yoxdur ki, yenə də xalqımız adını Azərbacan tarixinə qızıl həriflərlə yazdıran və bizi Qarabağımıza qovuşduran cənab İlham Əliyevin yanında olacaq və ona səs verəcək. Çünki cənab İlham Əliyev ölkə başçısı seçildiyi ilk gündən xalqına verdiyi bütün sözləri tutub. Cənab prezident İlham Əliyevin bütün sahələrdə apardığı uğurlu siyasət və zamanında atılmış addımlar sayəsində Azərbaycan həm regionda, həm də dünyada öz sözünü deyən ölkədir. Ən önəmlisi isə bu gün Azərbaycanın öz gücünə ərazi bütövlüyünü və suverenliyini bərpa etdi. Məhz cənab prezident İlham Əliyevin dəmir iradəsi sayəsində üçrəngli bayrağımızı Xankəndində, Şuşada, Xocalıda, Laçında, Kəlbəcərdə, Cəbrayılda, Zəngilanda, Füzulidə və digər rayonlarda şərəflə dalğalanır. Bundan sonrada qarşıdan böyük hədəflərimiz var. Qarşımıza qoyduğumuz bütün hədəflərə çatmaq üçün xalqımız fevralın 7-si keçiriləcək seçkilərdə aktiv olmalı və seçimini doğru etməlidir".

Telegramda izləyin