Hərbi xidmətə çağırış yaşı 18-dən 20-ə QALDIRILA BİLƏR? - CAVAB

Azərbaycanda bütün əmək qabiliyyətli kişi mülki şəxslər üçün Azərbaycan Silahlı Qüvvələrində məcburi hərbi xidmət nəzərdə tutulur. Hərbi xidmətə çağırış yaşı 18-dir. Bu gün hərbi çağırış yaşının 20-ə qaldırılması təklif edilir. Bəs bu yaş 18-dən 20-ə qaldırıla bilərmi?

Məsələ ilə bağlı hərbi ekspert Səxavət Məmmədli Sonxeber.az-a açıqlama verib:

"Əsgərlik yaşının yuxarı qaldırılması inandırıcı deyil. Çünki dünyanın bütün ölkəllərində hərbi xidmətə çağırış yaşı 18 nəzərdə tutulub. Bu yaşın 20-ə qaldırılmasının heç bir mənası yoxdur. Ona görə də indiki məqamda bu yaşın 20-ə qaldırılması doğru olmaz.

Məktəbdən sonra hər hansısa işlə məşğul olan gənc 20 yaşında hərbi xidmətə yollansa, qayıtdıqdan sonra yenidən işlə məşğul olması bir qədər çətin məsələdir. Bütün dünyada oğlanlar məktəb bitdikdən sonra (ali məktəbə qəbul olmursa) hərbi xidmətə aparılır. Daha sonra isə öz həyatlarına davam edirlər. Sadəcə səfərbərvərlik halında yenidən hərbi xidmətə qayıdırlar. Hesab edirəm ki, hərbi xidmətə çağırış yaşının 18-dən 20-ə qaldırılması düzgün deyil. Bu halın baş tutacağını gözləmirəm".

Gülcahan Məmmədova

Telegramda izləyin