Hepatit "A" virusuna görə lokal qapanmalara GEDİLİR? - CAVAB

Xəbər verdiyimiz kimi, Bakı şəhəri, Suraxanı rayonu Əmircan və Bülbülə qəsəbələrinin əhalisi arasında 2023-cü ilin dekabr ayından başlayaraq yoluxucu Hepatit "A" sarılıq) virusu xəstəliyi yayılıb. Bu virusun yayılması lokal qapanmalara gedilə bilər?

Məsələ ilə bağlı infektsionist Mərdan Əliyev Sonxeber.az-a açıqlama verib.

O bildirib ki, Hepatit A daha çox uşaqlar arasında yayılır:

"Daha çox çirkli əllər, qida və su vasitəsi bu virus yayılır. Hepatit "A" virusu məda və bağırsaq yoluna düşərək xəstəliyə səbəb olur. Bu xəstəlik çirkli əllər vasitəsi yoluxduğu üçün uşaqlar arasında daha çox yayılıb. Amma hepatit "A" virusuna görə qapanmalara getməyə ehtiyac yoxdur. Hava yolu ilə yayılmadığı üçün, çox sürətlə yayılan xəstəlik deyil. Sadəcə olaraq buna yoluxan uşaqları və ya şəxsləri təchid etmək lazımdır. Məktəblərdə, bağçalarda bu virusun yayılmasının qarşısını almaq lazımdır. Kanalizasiya sisteminin zəif olduğu bölgələrdə hepatit "A" virusunun yayılmasına səbəb olur".

Telegramda izləyin