"Bu ərazilər istisna olmaqla, digər evlər sənədləşdirilə bilər" - EKSPERT AÇIQLADI

Bakı və ətraf qəsəbələrdə sənədsiz evlərin sayı artmaqda davam edir. Sənədsiz tikililər məsələsini artıq paytaxt üçün ciddi sosial problemə çevrildib. Bəs sənədsiz evlərin taleyi necə olacaq?

Bununla bağlı əmlak məsələləri üzrə ekspert Ramil Osmanlı Sonxeber.az-a açıqlama verib. Çıxarışlı mənzillər ilə bağlı məsələ hələ ki, əvvəlki aktuallığında deyil. Hökumətin bununla bağlı prioriteti tam şəkildə məlum deyil:

"Bir müddət əvvəl 2019-cu ildə sənədsiz evlərin sənədləşdirilməsi ilə bağlı konsepsiya qəbul olundu. Həmin konsepsiya icrası istiqamətində müəyyən işlər təşəbbüslər oldu. Hətta neytralizasiya işlərinə başlanılmışdı. Sonradan onun icrası ilə bağlı proses dayandı. Bu gün artıq bu istiqamətdə hələ ki normativ hüquqi aktlara, daşınmaz əmlakın dövlət reyestri haqqında qanuna müəyyən dəyişikliklər edilməklə bu məsələlərin həlli istiqamətində addımlar atılırki, bu da prosesi tənzimləmək və bu problemi kökündən tam həll etmək imkaninda deyil. Nəticə ondan ibarətdir ki, müzakirələr hələ ki, lazım olan, istənilən nəticəni vermir".

Ekspertin sözlərinə görə, yəqinki qarşıdan gələn dövrlərdə, yaxın bir neçə ay ərzində bu istiqamətdə ciddi əhəmiyyətli dönüş yarada biləcək qərar qəbul olunacaq:

"Hər halda müəyyən informasiyalara əsaslanıb bunu demək olar. Bu problemin həllini konkret olaraq desək, ayrı-ayrı hüquqi aktlara və daşınmaz əmlakın dövlət reyestri haqqında qanunun 8-ci maddəsinə dəyişiklik etməklə həll etmək mümkün deyil. Bu mənada hökumətdə yəqinki problemdən çıxış yolunu bizim düşündüyümüz kimi bir qərarla həll etmək formasında görür. Bu mənada təbii ki, sürüşmə zonasında düşən və aktiv mədən ərazilərində, mühafizə zolaqlarında yerləşən tikililər istisna olmaqla, digər tikililərin sənədləşdirilməsi ilə bağlı qərar gözlənilir. Bu qərarın qəbulu çox vacibdir. Bu həm hökumətə lazımdır, həm də əhalinin bu istiqamətdə probleminin həlli üçün vətəndaşların buna ehtiyac vardır".

Sevda Səfərova

Telegramda izləyin