"FAM-88" MTK 42 mənzili 70-dən çox adama satıb! Şikayətlərə cavab verən YOXDU - VİDEO

İllərdir insanlar əziyyət çəkir, pul yğıb mənzil alır. Sonra məlum olur ki, mənzil bir neçə nəfərə satılıb.

Abşeron rayonunda bir qrup sakin belə bir problem ilə üzləşib. İndi onlar nə pullarını geri ala bilir, nə də mənzilləri onlara verirlər.

Sonxeber.az xəbər verir ki, "ATV Xəbər"in çəkiliş qrupu sözügedən ərazidə olub. Sakinlərin sözlərinə görə, "FAM"-88 MTK tərəfindən tikilən 42 mənzil 70-dən çox adama satılıb. Hətta onların içərisində qeyri-yaşayış sahələridə var.

Sakinlər iddia edir ki, bina yikilən zaman 3 mərtəbə olub. Sonradan digər mərtəbələr inşa edilib. Şikayət ilə bağlı MTK rəhbərliyi ilə əlaqə saxlanılsa da, bu mümkün olmayıb. Binada mühafizəçi kimi işləyən şəxs isə nə sualları cavablandırıb, nə də rəhbər şəxslərlə əlaqə saxlamağa kömək edib.

Məsələ ilə bağlı, Abşeron Rayon İcra hakimiyyəti ilə əlaqə saxlanılıb. Bildirilib ki, mövcud vəziyyətdən xəbərdardılar. Dələduzluq faktı ilə bağlı Baş Prokuror yanında Korrupsiyaya qarşı Mübarizə Baş İdarəsində araşdırmalara başlanılıb.

Ətraflı "ATV Xəbər"in süjetində:

Telegramda izləyin