"Xadimədən xarici dil tələb edirlər" - İşaxtaranlar haqlıdır, yoxsa işəgötürənlər? - VİDEO

Xadimə, qeydiyyatçı, çayçı, ofisiant və s. bu kimi ixtisassız peşələrlə bağlı vakansiyaları tez-tez görürük.

Lakin maraqlısı odur ki, əmək bazarında bu peşələrə tələbat olsa da, çox vaxt işəgötürənlər bu sahələr üzrə işçi tapmaqda çətinliklər yaşayırlar. Bəs buna səbəb nədir?

Sonxeber.az xəbər verir ki, məsələ ilə bağlı hüquqşünas Sahib Məmmədov "Baku TV"yə açıqlama verib. Onun sözlərinə görə, belə işlər ixtisassız peşələr olsa da, çox zaman işəgötürənin işçinin üzərinə qoyduğu tələb yüksək olur:

"İşəgötürənlərin həmin ixtisassız peşələrə tələbləri artmaqdadır. Təsadüfi adamları işə götürmürlər, bəzən xarici dil zərurəti olan ofislərdə hətta xadimədən də minimal xarici dil biliyi tələb edirlər".

Dövlət Məşğulluq Xidmətinin Əmək bazarının təhlili departamentinin rəhbəri Elman Sadıqovun sözlərinə görə isə bu kimi hallara səbəb çox vaxt işsizlərin və işaxtaranların əməkhaqqı ilə qane olmamalarıdır.

Ətraflı "Baku Tv"nin süjetində:

Telegramda izləyin