Boşanmalar sayı günü-gündən artır: " Ailə qurmaq bir anlıq həvəs deyil" - SOSİOLOQ

Ötən il Azərbaycanda 49 549 nikah, 19 761 boşanma halları qeydə alınıb. 2022-ci ilin eyni dövrü ilə müqayisədə əhalinin hər 1000 nəfərinə nikahların sayı azalaraq 6,2-dən 5,3-ə düşüb. Boşanmaların sayı isə 1,6-dan 2,1-ə qədər artıb.

Məsələ ilə bağlı sosiolaq Mail Yaqubov Sonxeber.az-a açıqlama verib.

O bildirib ki, ailə qurmaq bir anlıq həvəs deyil:

"Bu gün Azərbaycanda boşanma məsələsi ağrılı yerlərimizdən biridir. Düşünmürəm ki, cütlüklər psixoloji testlərdən keçsələr boşanmaların sayı azala bilər. İnsan dəyişkən varlıqdır və hər gün yeni bir fikrə düşə bilər. İnsan hər gün özünü təşviq etməlidr. Hər bir qərarını ölçüb,biçməlidir. Boşanmaların qarşısının almağın ən vacib yolu, cütlüklərin bir araya gəlib söhbət etmələridir. Ailə qurmaq bir anlıq həvəs, istək deyil. Hər iki tərəf ailənin məsuliyyətini başa düşməlidir. Ailə qurduqdan sonra da hər gün bu barədə düşünməlidir. Ailəni qorumaq üçün gündəlik münasibətdə olan xanım və bəy hər gün bir-birinə qarşı sayqı göstərməlidir. Ailəni qorumağın ən vacib yolu budur. Qadın və kişi yaxşı-yaxşı düşünməlidirlər. Boşandıqdan sonra iki tərəf də psixoloji travma alır. Yenidən bərpa olmaq hər iki tərəf üçün də çox çətindir".

Telegramda izləyin