Səhiyyə Nazirliyi və TƏBİB-in aqibəti nəcə OLACAQ?

Son zamanlar Səhiyyə Nazirliyinin fəaliyyəti ilə bağlı vətəndaşlar narazılıqlar mövcuddur. Buna görə də TƏBİB və Səhiyyə Nazirliyi birləşdirilə bilər mi?

Məsələ ilə bağlı Milli Məclisin deputatı Müşfiq Cəfərov Sonxeber.az-a açıqlama verib.

O bildirib ki, TƏBİB ya Səhiyyə Nazirliyinin tabeliyinə verilməli, ya da struktur olaraq ayrıca fəaliyyət göstərməlidir:

"Düşünürəm ki, TƏBİB ya müstəqil struktur kimi fəaliyyət göstərə, ya da Səhiyyə Nazirliyinin tabeliyinə verilə bilər. Doğrudur TƏBİB yaranandan, ölkədə icbari tibbi sığortanın tətbiqinə başlanan vaxtdan koronavirus pandemiyası dünyanı cənginə aldı. Həm Səhiyyə Nazirliyinin, həm İcbari Tibbi Sığorta üzrə Dövlət Agentliyinin, həm də TƏBİB-in bütün strukturları pandemiya ilə mübarizəyə cəlb olundular. Amma bu gün müəyyən problemlər var ki, bu problemlərin həlli vətəndaşı TƏBİB və Səhiyyə Nazirliyi arasında get gəldə saxlayır. Mənə görə TƏBİB yaradılarkə nəzərdə tutulan nəticələrə hələ də çatmamışıq. İcbari tibbi sığortanın ölkədə tətbiqi arzu edilən və gözlənilən səviyyədə qurulmayıb.

TƏBİB ya Səhiyyə Nazirliyinin tabeliyinə verilməli, ya da struktur olaraq ayrıca fəaliyyət göstərməlidir. Yəni icbari Tibbi Sığorta üzrə Dövlət Agentliyindən ayrılmalı, ya da Səhiyyə Nazirliyinin tabeliyinə verilməlidir.

Əgər TƏBİB ayrıca bir qurum kimi fəaliyyətini davam etdirəcəksə, mütləq şəkildə TƏBİB-in indiyə qədərki fəaliyyətinin səlahiyyətli və müstəqil bir komissiya tərəfindən öyrənilməsi məqsədə uyğundur. Nəticədə ortaya çıxan nöqsanlar aradan qaldırıla bilər. Çünki hazırda ölkədə sığorta sisteminin icraçısı kimi fəaliyyət göstərən TƏBİB- in fəaliyyəti vətəndaşlar tərəfindən rəğbətlə qarşılanmır".

Telegramda izləyin