"AŞPA ilə əməkdaşlığın dayandırılması zamanında verilən doğru qərardır" - DEPUTAT

Xəbər verdiyimiz kimi Azərbaycan AŞPA ilə əməkdaşlığı dayandırdı. Belə ki, Azərbaycan Respublikasının Avropa Şurası Parlament Assambleyasındakı (AŞPA) nümayəndə heyəti yanvarın 24-də qurumun iclasında bəyanatla çıxış edib. Nümayəndə heyəti bəyanatı səsləndirəndən sonra məkanı tərk edib.

Bununla bağlı Sonxeber.az-a danışan deputat Cavanşir Paşazadə bildirib ki, 20 ildir ki, biz bu təşkilatda öz maraqlarımızı müdafiə etdik:

"Nümayəndə heyətimiz bu qurumla konstruktiv işləmək üçün əlindən gələn hər şeyi etdi. Amma bu məclisdə açıq şəkildə ölkəmizə qarşı ikili standartlar, lobbiçilik, korrupsioner və misantrop fəlsəfə hökm sürür. Məhz buna görə də bu gün nümayəndə heyətimiz ölkəmizə qarşı açıq şəkildə ikili münasibət bəsləyən məclis nümayəndələri ilə işləməyəcəyi barədə bəyanat verdi. Düşünürəm ki, bu qərar zamanında qəbul edilmiş doğru addımdır".

Deputat vurğulayıb ki, Azərbaycan 30 ildir ki, sənət üzərində qalan BMT Təhlükəsizlik Şurasının 4 qətnaməsinin icrasını özü təmin etdi:

"Bu gün Azərbaycan müstəqil siyasət yürüdür. Heç bir dövlətin və təşkilatın bizi şantaj etmək hüququ yoxdur. Azərbaycan ərazi bütövlüyünü bərpa edərək öz torpaqlarında suverenliyini bərpa edib. Ona görə də, bu gün heç bir ölkə və təşkilat bizə nə edəcəyimizlə bağlı göstəriş verə bilməz".

Telegramda izləyin