"İtkin düşənlərin əksəriyyəti ailədə münaqişə yaşayan, həddi-büluğa çatmış şəxslərdir" - FAKTLAR

Son zamanlar ölkə ərazisindən itkin düşən şəxslərin sayının artması müşahidə olunur. Bəs bunun səbəbi nədir?

Məsələ ilə bvağlı Sonxeber.az-a "Polisə dəstək" İctimai Birliyinin sədri Şəmsəddin Əliyev açıqlama verib.

O bildirib ki,ötən il ərzində Azərbaycada 1300-1400 arasında insan itkin düşüb:

"Bu məsələ həqiqətəndə qlobal məsələdir. Statistik rəqəmlər narahatlıq doğurur. Ötən il ərzində Azərbaycada 1300-1400 arasında insan itkin düşüb. Bu ancaq itkin düşməklə bağlı polisə daxil olan müraciətlərin sayıdır. 1000 nəfərə yaxın şəxs axtarışlar nəticəsində tapılıb. Azərbaycanı digər ölkələrlə müqaisə etsək görərik ki, bu hələ heyəcan siqnalı deyil. Müqaisə olaraq göstərə bilərik ki, Rusiyada il ərzində təxminən 180 min insan itkin düşür.

İtkin düşməklə bağlı müraciətlərə nəzər yetirsək görərik ki, onlar daha çox psixi problemləri, ruh düşkünlüyü, ailədə münaqişə yaşayan, həddi-büluğa çatmış şəxslərdir. Yaş baxımından 30 yaşına qədər olan insanlar üstünlük təşkil edir. Onların əksəriyyəti də kişilərdir. Amma onlar arasında yaşlı olan insanlar da var. Bu şəxslər isə daha çox ailədə gördüyü qeyri-insani münasibətlərə görə bu addımı atır.

Kənddən qaçan qadınlar, qızlar itkin düşənlər var. Sonradan bəzilərinin taleyi bilinir. Burada bir məslə ortaya çıxır. Nə etmək lazımdır? Doğurdanda bu çox ciddi məsələdir.

Bu halların qarşısını almaq üçün ailələrdə, məktəblərdə insani münasibətlərin bərqarər olmasına çalışmaq lazımdır.
Əgər orta məktəb şagirdi heç bir səbəb olmadan itirsə, heç kimə, heç nə demədən ailəsini tərk edirsə, məktəbdən uzaqlaşırsa bunların səbəbləri araşdırılmalı və həll olunmalıdır".

Telegramda izləyin