1 aydır axtarılan Rasimlə bağlı ŞOK FAKTLAR - Kamera görüntüləri silinib

Ötən ilin dekabr ayının 26-da İmişli rayonunun Qaragüvəndikli kəndində itkin düşən 11 yaşlı Rasim Xankişiyevdən hələ də xəbər yoxdur. Boztəpə kanalında batdığı ehtimal edilən Rasim 1 aydır axtarılır.

Sonxeber.az xəbər verir ki, ARB televiziyasında yayımlanan "Səni Axtarıram" verilişində dəhşətli faktlar ortaya çıxıb.

Boztəpə kanalı ətrafında yerləşən kamera görüntülərinin silindiyi ortaya çıxıb.

Belə ki, "Səni Axtarıram" verilişinə zəng edən və Boztəpə kanalın ətrafındakı kameraları quraşdıran Hüseyn adlı şəxs Rasimin itdiyi gündən bir gün sonra ona bir nəfərin zəng etdiyini bildirib:

"Mənə dedilər ki, Rasimin yaxınıyıq və kamera görüntülərinə baxmaq istəyirik. Mən də dedim ki, gedib, açın baxın. Ola bilsin ki, kimsə kameranın yaddaşını silib. Amma Rasim itən günü kameralardan biri işlək vəziyyətdə idi".

Telegramda izləyin