1 aydır axtarılan Rasimin atası DANIŞDI: "Oğlum ya oğurlanıb, ya da qəsdlə öldürülüb" - VİDEO

Ötən ilin dekabr ayının 26-da İmişli rayonunun Qaragüvəndikli kəndində itkin düşən 11 yaşlı Rasim Xankişiyevdən hələ də xəbər yoxdur. Boztəpə kanalında batdığı ehtimal edilən Rasim 1 aydır axtarılır.

Sonxeber.az xəbər verir ki, ARB televiziyasında yayımlanan "Səni Axtarıram" verilişinə çıxan Rasim Xankişiyevin atası Vasif Xankişiyev bildirib ki, oğlu kanalda batmayıb.

"Rasimin paltarları kanalın qırağında tapılsa da mən oğlumun suda batmasına inanmıram. Hazırda Rasimin suda olmasına inanmıram. Mənim fikrimcə Rasim ya oğurlanıb, ya da qəsdlə öldürülüb. Digər versiya isə Rasimin ehtiyatsızlıqdan maşınla vurulmasıdır. Həmin ərazi sərhədyanı zona olduğuna görə orada qaçaqmalçılıq yolu ilə gəlib, gedənlər olur. Rasim itkin düşəndən üç gün sonra orada böyük qaçaqmalçılıq olmuşdu.Hüquq mühafizə orqanları tərəfindən qarşısı alınıb.

Rasim itəndən bir neçə gün sonra Hüseyn adlı türk gəldi. Biz ondan soruşduq ki, kameralar işləyir. O, bildirdi ki, kameralar işləmir ".

Rasim Xankişiyevin bibisi söyləyib ki, bizim adımızdan "TikTok" sosial şəbəkəsində pul yığılır:

"TikTok" sosial şəbəkəsində bir qadın özünü Rasimin bibisi kimi təqdim edib, pul yığır. O, canlı yayım açaraq söyləyir ki, Rasimin tapılması üçün üç min pul lazımdır".

Telegramda izləyin