Ərdoğan kimi Putin də "3 uşaq" dedi

Putin Rusiya əhalisinin azalmasının qarşısını almaq üçün ailələrə "ən azı üç uşaq sahibi olmağı" tövsiyə edib.

Sonxeber.az xarici mənbəyə istinadən xəbər verir ki, Kalininqrada səfəri zamanı universitet tələbələri ilə görüşən Putin, "İki nəfər, yalnız bir uşağa sahib olarsa, əhali azalacaq. İki uşaq olsa belə, düz qalacaq. Əhalinin böyüməsi üçün hər ailədə üç uşaq lazımdır".

Təhsil səviyyəsi artdıqca və qadınlar karyeralarını ön planda tutduqca doğum nisbətlərinin azaldığına diqqət çəkən Putin: "Əlbəttə, xüsusilə qadınlar üçün ailə qurmaq, böyütmək çox çətindir, ona görə də gənc ailələrə kömək etməyə çalışırıq" - fikirlərini səsləndirib.

Rusiya lideri bildirib ki, cütlüklər uşaq sahibi olmağı gec yaşa qədər təxirə salmamalıdırlar və bu dövlət üçün əhəmiyyətlidir.

Ötən il Rusiyada doğum səviyyəsi 1999-cu ildən bəri ən aşağı səviyyəyə düşüb. Siyahıyaalma Bürosu, doğum nisbətlərindəki azalmanın 2027-ci ilə qədər davam edəcəyini də açıqlayıb.

Telegramda izləyin