Xəstəxanalarda növbə problemi həllini tapmır: "Həkimin qəbuluna düşmək olmur..." - VİDEO

Xəstəxanaların qəbul şöbələrində yaranan uzun-uzadı növbələr azalmaq əvəzinə günü-gündən artır. Bəzən vəziyyət o həddə çatır ki, saatlarla qəbula düşməyi gözləyən xəstə həkimi yalnız iş saatı bitəndə görə bilir. Bu problemin aradan qaldırılması üçün bir müddət əvvəl elektron npvbə sistemi belə işə salındı. Bəs niyə nəticəsi olmur?

Sonxeber.az xəbər verir ki, qəbula düşməyi gözləyən xəstələr "ARB Xəbər"ə növbələri çox olduğunu deyib.

"Əlil arabasında olan xəstələr saatlarla qapının ağzında qalır. Şəhid ailəsiyəm, keçirəm. Amma digəriləri qalır qıraqda. Bəziləri öz sırasını verir. Növbələr çoxdu. 2-3 saat gözləməli oluruq".

Elmi-Tədqiqat Kardiologiya İnstitutu vəziyyətə aydınlıq gətiirb. Məlum oldu ki, müəssisə Səhiyyə Nazirliyinin balansında olduğundan burada onlayn sistem ümumiyyətlə tətbiq olunmur:

"Bu sahədə artıq müəyyən işlər aparılır. Bacardığımızı edirik. Amma Kardiologiya institutu respublikanın yeganə mərkəzlərindən biridir. Bura aparıcı mütəxəssislərin toplandığı yerdir. Buna görə də vətəndaş axını çox müşahidə olunur. Bacardığımız qədər tənzimləməyə çalışırıq".

Ətraflı "ARB Xəbər"in süjetində:

Telegramda izləyin