Hərbi xidmət müddəti hər kəs üçün bir ilə ENDİRİLİR?

Azərbaycan Silahlı Qüvvələrinin Türkiyə modelinə uyğunlaşdırılması istiqamətində işlər davam edir. Burada əsas məqamlardan biri hərbi xidmətin müddətidir. Bəs Azərbaycanda hərbi xidmət müddəti hər kəs üçün bir ilə endirilə bilərmi?

Məsələ ilə bağlı hərbi ekspert Səxavət Məmməd Sonxeber.az-a açıqlama verib.

Ekspert bildirib ki, hərbi xidmət müddətinin hər kəs üçün bir ilə endirilə bilməz:

"Hərbi xidmət müddətinin hər kəs üçün bir ilə endiriləcəyini düşünmürəm. Ali təhsil məsələsi hər yerdə önə çıxır. Ona görə də hərbi xidmət müddətinin hamı üçün 1 ilə endirilməsi gündəmdə deyil. Azərbaycanda uzun illər idi ki, prokurorluq və dövlət səfərbərlik komitəsi əsgərlikdən yayınanlarla bağlı heç bir açıqlama verməyib. Amma bu il bildirdilər ki, nə qədər adam xidmətdən yayınıb və onlarla bağlı tədbirlər görülüb. Azərbaycanda orduya çağırış yaşını daha da radikallaşdırıblar. Ona görə də hesab edirəm ki, bundan sonra da bu yöndə tədbirlər olacaq. Biz bilirik ki, komissiyaların sayı da artırılıb. Sosial Müdafiə Nazirliyinə verilib. Düzdür burada problemlərin yaranması son dərəcədə yüksəkdir.

Elə insanlar var ki psixoloji problemləri var. Elə zamanlar olub ki, hərbi xidmətdən yayınmaq üçün puldan istifadə ediblər, amma indi bu mümkün deyil. Bunun qarşısını almağa çalışırlar. Ali təhsilli şəxslərlə digərləri arasında fərq qoyulmayacağını düşünmürəm. Bu absurddur. Çünki Azərbaycan nə sülh müqaviləsi bağlayıb, nə də sülh şəraitindədir. Faktiki olaraq iki ölkə arasında zaman- zaman müharibə ehtimalları da səslənir. Hərbi xidmətin müddətinin il yarımdan bir ilə endirilməsi indiki məqamda mümkünsüz görünür. Ola bilər nə vaxtsa olsun. Əlbəttə bu zaman dövlətə rüsum ödəyərək, hərbi xidmətə getməmək də mümkün olacaq. Amma hazırki dövrdə bu aktual deyil".

Telegramda izləyin