"Azərbaycan gəncliyi qarşısına qoyduğu bütün hədəflərə cənab prezident İlham Əliyevin başçılığı altında uğurla çatmaqdadır" - Emil Əkbərov

"Bu gün gənclər siyasəti ölkədə həyata keçirilən inkişaf siyasətinin mühüm tərkib hissəsidir".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, əsası ulu öndər Heydər Əliyev tərəfindən qoyulan gənclər siyasəti 2003-cü ildən cənab prezident İlham Əliyev tərəfindən uğurla davam etdirilir:

"Hər zaman Azərbaycan gəncliyi ictimai həyatın bütün sahələrində aktiv fəaliyyəti ilə seçilib. Hazırda da siyasi, iqtisadi, humanitar və sosial tədbirlərin həyata keçirilməsində mühüm rol oynayır. Dövlətimizin gənclərimizə yaratdığı geniş imkanlar nəticəsində ölkəmizin gələcəyi uğrunda inamlı addımlar atmaqdadır. Dövlətimizin yüksək dəstək və qayğısı nəticəsində Azərbaycan gəncliyində öz gücünə inam hissi artıb.

Hər zaman dövlətimiz tərəfindən gənclərin vətənpərvərlik ruhda tərbiyə edilməsinə xüsusi əhəmiyyət verilib. Vətən müharibəsində möhtəşəm Zəfərin qazanılmasında və ərazi bütövlüyümüzü tam bərpasında gənclərimizin rolu böyükdür. Mərd oğullarımız ərazi bütövlüyümüz uğrunda heç düşünmədən canlarından və sağlamlıqlarından vaz keçdilər. Bugünkü möhtəşəm zəfərimizi Ali Baş Komandana və qəhrəman gənclərimizə borcluyuq".

Emil Əkbərov vurğulayıb ki, bu gün gənclərimiz ön cəbhədə deyil, diplomatik mübarizədə yüksək fəallıq göstərir, ölkəmizlə bağlı həqiqətlərin, ermənilərin xalqımıza qarşı törətdiyi soyqırım və deportasiya aktlarını dünya ictimaiyyətinin diqqətinə çatdırılmasında fəal iştirak edirlər:

"Azərbaycan gəncliyi qarşısına qoyduğu bütün məqsəd və hədəflərinə cənab prezident İlham Əliyevin başçılığı altında uğurla çatmaqdadır. Bu gün gənclərimiz idarəçilik istiqamətində yüksək vəzifələrə təyin olunurlar. Əlbəttə, gənclərimizin cənab prezident İlham Əliyev tərəfindən irəli çəkilməsi çox təqdirəlayiqdir. Düşünürəm ki, gənclərimiz də ölkə başçısının onlara göstərdiyi etimadı doğurultmalı və dövlətimizin uğurlu inkişafına dəstək olmalıdırlar".

Telegramda izləyin