Fotosu ilə yadda qalmışdı! Dağıntılar altından qızının əlini buraxmayan atadan ürək ağrıdan sözlər

Xəbər verdiyimiz kimi, bu gün Türkiyədə baş verən dağıdıcı zəlzələdən bir il ötür.

Sonxeber.az xəbər verir ki, zəlzələdə dağıntılar altında qalan qızı İrmak Leyla Hançerin (16) əlindən tutan zaman çəkilən fotosu ilə yadda qalan Mesut Hançer faciənin 1-ci ildönümündə qızının məzarını ziyarət edib.

Zəlzələdən sonra həyat yoldaşı və 3 uşağı ilə Ankarada yeni bir həyat quran Mesut Hançer faciənin ildönümündə ailəsi ilə birlikdə Kahramanmaraş'a gəlib. O, qızının məzarı başına gül qoyan zaman duyğulu anlar yaşayıb:

"Gedişi oldu amma gəlişi olmadı. Biz də onunla birlikdə öldük. Zəlzələdə 7 qohumumu itirdim. Hər kəsin yeri fərqlidir. Amma övlad acısı başqadı. Uşağımın əlindən tutub 2-3 saat gözlədim. Amma bir daha da əlini buraxmadım. Hər şey yarım qaldı və hər şeyimiz itdi. Uşağın beldən aşağısı dağıntılar altında qaldı. Əllərindən, yanaqlarından öpdüm. Övlad həsrəti çox ağırdır.

Telegramda izləyin