"Bu gün xalqımız doğru seçimi ilə ölkəmizin uğurlu gələcəyinə səs verdi" - DEPUTAT

"Bu gün ölkəmizdə əsil bayram ab-havası yaşanır".

Bunu Sonxeber.az-a danışan "BİG Media" MMC-nin direktoru Emil Əkbərov bildirib.

Emil Əkbərov qeyd edib ki, exit-pollun nəticəsinə görə cənab prezident İlham Əliyev 93,9 faiz seçicinin səsini qazanıb:

"Müstəqil Azərbaycan tarixinədə ilk dəfə Xankəndində və digər işğaldan azad olan rayonlarda da seçkilər keçirildi. Bu gün keçmiş məcbur köçkünlərimiz səs vermədə daha aktiv idi. Çünki onlar 30 ildən sonra öz doğma yurdlarında səs verdilər. Bu gün Ali Baş Komandan, prezidentliyə namizəd cənab İlham Əliyev və ailə üzvləri Xankəndidə səs verməsi dövlətçilik baxımından çox önəmli bir addımdır. Bu addımı ilə ölkə başçısı bölgədə Azərbaycan Konstitusiyasının bərpa edildiyini bir daha nümayiş etdirmiş oldu".

Emil Əkbərov vurğulayıb ki, bu gün xalqımız doğru seçimi ilə ölkəmizin uğurlu gələcəyinə səs verdi:

"Cənab İlham Əliyevin prezidentlik dövrünə nəzər salsaq görərik ki, keçən dövr ərzində ölkəmiz hər zaman böyük zəfərlərə və uğurlara imza atıb. Xalqımız cənab İlham Əliyevin ətrafında sıx birləşərək daha uğurlu və parlaq gələcəyə doğru əmin addımlarla irəliləyir. Bu gün ölkəmizdə siyasi sabitlik və əmin-amanlıq hökm sürür, insanlarımızın sosial rifahı ildən-ilə yaxşılaşır. Əlbəttə, əldə etdiyimiz bütün uğurları cənab prezident İlham Əliyevə borcluyuq. Əminəm ki, bundan sonra da bizi daha böyük uğurlar və zəfərlər bizi gözləyir".

Telegramda izləyin