"Əminəm ki, dövlətimiz bunda sonra da Ali Baş Komandan İlham Əliyevlə böyük zəfərlərə və uğurlara imza atacaq" - DEPUTAT

"Növbəti dəfə xalqımız dövlətimizin parlaq gələcəyinə səs verərək müstəqilliyimizi əbədi etdi".

Bunu Sonxeber.az-a danışan deputat Cavanşir Paşazadə bildirib.

Deputat qeyd edib ki, fevral 7-də keçirilən növbədənkənar Prezident seçkiləri tarixə Zəfər seçkisi kimi həkk olundu:

"Müstəqil Azərbaycan tarixində ilk dəfə olaraq Xankəndində və bütün ölkə ərazisində seçkilər keçirildi. 30 ildən sonra soydaşlarımız öz torpaqlarında qalib xalqın nümayəndəsi kimi səs verdi. Düşünürəm ki, bundan böyük qürur və sevinc hissi ola bilməz. Cənab İlham Əliyevin və ailə üzvlərinin Xankəndində səs verdiyi kadrları hər birimiz böyük qürur və fəxarət hissi ilə izlədik. Əminəm ki, bu gün şəhidlərimizin ruhu şaddır. Çünki bu gün Ali Baş Komandan İlham Əliyevin müdrik və uzaqgörən siyasəti nəticəsində bütün Azərbaycan ərazisində üçrəngli Azərbaycan bayrağı dalğalanır".

Deputat vurğulayıb ki, cənab İlham Əliyevlə qarşımıza qoyduğumuz bütün hədəflərə nail olacağıq:

"Ölkəmizə qarşı aparılan çirkin kampaniyaların öhdəsindən yalnız biz cənab İlham Əliyevin müdrik diplomatik siyasəti ilə gələ bilərik. Qarşıda bizi sülh müqaviləsinin imzalanması gözləyir. Ermənistan Azərbaycanının şərtləri ilə hazırlanan sülh müqaviləsini imzalamağa məcburdur. Əminəm ki, Ali Baş Komandan İlham Əliyevlə dövlətimiz bunda sonra da böyük zəfərlərə və uğurlara imza atacaq".

Telegramda izləyin