Qarabağda yaşayan ermənilər Bakıda universitetlərdə təhsil ala biləcəklər? - AÇIQLAMA

Azərbaycanda keçirilən prezident seçkilərindən sonra ölkədə dəyişikliklər gözlənilir. Qarabağın dirçəldilməsi istiqamətində görülən işlər ölkənin əsas prioritetlərindəndir. Azərbaycanda etnik mənsubiyyətindən asılı olmayaraq vətəndaşların hüquqlarının təmin edilir. Buraya Qarabağda Azərbaycan vətəndaşlığını qəbul etmiş ermənilərdə daxildir. Lakin bir sıra məqamlar hələ də naməlum olaraq qalmaqdadır. Qarabağda yaşayan və Azərbaycan vətəndaşlığını qəbul etmiş ermənilər Bakıda və digər bölgələrdə fəaliyyət göstərən universistetlərdə oxuya bilər?

Məsələ ilə bağlı təhsil məsələləri üzrə ekspert İlqar Orucov Sonxeber.az açıqlama verib:

"Azərbaycan vətəndaşlığını qəbul etmiş nəinki ermənilər, istənilən xalqın nümayəndəsi bu ölkənin konstitusiyasının verdiyi imkanlar çərçivəsində digər vətəndaşlar kimi imtiyazlara, hüquqlara malikdirlər. Vətəndaş olaraq həmin hüquqlardan istifadə edə bilərlər. Onlardan biri də Azərbaycan vətəndaşlarının təhsil alması ilə bağlı hüquqdur. Əlbəttə ki, Azərbaycan vətəndaşlığını qəbul etmiş, millətindən asılı olmayaraq, bütün vətəndaşlar kimi ermənilərdə Bakıda və digər regionlarda yerləşən universitetlərdə ali təhsil almaq hüququnu əldə edəcəklər. Sözsüz ki, burada heç bir problem ola bilməz. Burada ali təhsil müəssisəsinin Bakıda yaxud başqa regionda yerləşməsinin heç bir fərqi yoxdur. Bu universitetlər suveren Azərbaycanın hüdudlarındadırsa, vətəndaşlığımızı qəbul etmiş ermənilər təhsilin bütün formalarından faydalana biləcəklər. Digər Azərbaycan vətəndaşları kimi, həm icbari təhsil , həm də orta ixtisas, ali təhsil hüquqlarıda təmin olunacaq".

Sevda Səfərova

Telegramda izləyin