1 reklamdan 3 min AZN qazanan blogerlər niyə vergi ödəmirlər? - VIDEO

Bloggerlik fəaliyyəti demək olar ki, dünyanın bir çox yerində əsas və asan qazanc mənbəyi kimi populyarlaşıb. Video kontentlər ilə məşhurlaşan şəxslər primitiv və mənasız paylaşımlarla özlərinə abunəçi sayı yığa bilirlər. Çünki hazırda baxılan səhifələrin sahibləri öz həyatlarına aid videolar paylaşmaqla pul qazanırlar. Dünya təcrübəsində bloggerlik edən şəxsin reklam qazancı və gəlirləri vergiyə cəlb olunur. Türkiyədə onların dövlət tərəfindən idarə olunan bank hesabları olmalıdır.

Bəs Azərbaycanda bu şəxslər vergi ödəməlidir?

Sonxeber.az xəbər verir ki, məsələ ilə bağlı Hicrət Hüseynzadə "APA TV"yə açıqlama verib:

"Sosial şəbəkə bloqerlərinin, istifadəçilərinin əldə etdiyi gəlirlərə münasibətdə Azərbaycan Respublikası Vergi Məcəlləsinə uyğun olaraq vergiyə cəlb olunmalıdırlar. Onlar əldə etdiyi gəlirlərdən 14 faiz dərəcəsi ilə vergi alınmalıdır. Çox təəssüf ki, Azərbaycanda hazırda "TikTok" və digər növ sosial şəbəkələrin daimi və virtual nümayəndəliyi olmadığı üçün onların ödəmə mənbəyindən əldə etdiyi gəlirlər vergiyə cəlb olunmur. Yəni onlar faktiki olaraq vergi ödəmirlər. Onların hədiyyə şəklində əldə etdiyi gəlirlər isə 2500 manat hissəsi vergidən azad olunur. Qalan artıq hissə isə vergiyə cəlb olunmalıdır. Operativ vergi nəzarəti nəticəsində onların gəlirlər və ödəməli olduqları məbləğ müəyyən oluna bilər. Eyni zamanda bank hesablarına nəzarət edilməsi nəticəsində daxil olan gəlirlərin sorğulanması ilə gəlirlərin vergiyə cəlb olunması mümkündür".

Ətraflı "APA TV"nin süjetində:

Telegramda izləyin