Müəllimlərin maaşına əlavələrlə bağlı təkliflər edilir - VİDEO

Azərbaycanda 2 min manatdan yüksək əməkhaqqı alan məktəb direktorları da var. Məktəbəqədər və Ümumtəhsil üzrə Dövlət Agentliyinin məlumatına görə, hazırda 156 məktəb direktoru 2 min manatdan yüksək əməkhaqqı alır. 450 məktəb direktorunun isə aylıq maaşı 1500-2000 AZN arasındadır.

Sonxeber.az xəbər verir ki, təhsil eksperti Rizva Fikrətoğlu "Xəzər Xəbər"ə direktordan başqa, sertifikatlaşdırmadan keçən 32 minə yaxın müəllimin əməkhaqqına əlavələr tətbiq olunub. O, bu cür yanaşmanın müsbət istiqamətdə təsirləri olduğunu bildirir:

"Əslində bu kimi stimullaşdırıcı tədbirlər yaxşı bir şeydi. Bu istər-istəməz müəllim-rəhbər kontingentinin həvəslənməsi istiqamətində düşünülə bilər. Əvvəl qaydalar tam fərqli idi. Bu təhsilə olan marağı o qədər də yaratmırdı. Faktiki olaraq bu gün hər bir universiteti qurtaran hər bir şəxs yaxud diplomu müəllim olanlar əlini qolunu sallayıb məktəbdə çalışa bilmir. Çünki MİQ imtahanı verilməli və müsabiqədən keçməlidirlər. Burada rəqabət çox güclü olur".

Ekspert qeyd edib ki, sertifikasiyadan keçən müəllimlərin əməkhaqları topladıqları bala uyğun olaraq 10-35 faiz olaraq artırılır. Əgər müəllim imtahandan 30-50 arası bal toplayarsa 10 faiz, 50-60 aralığında bal toplayıbsa, 35 faiz maaşına əlavə tətbiq edilir.

Ətraflı "Xəzər Xəbər"in süjetində:

Telegramda izləyin