İzmirdə taksi sürücüsünü öldürən şəxs məhkəmədə özünü belə müdafiə etdi

İzmirin Qaziemir rayonunda taksi sürücüsü Oğuz Ergeni güllələyərək öldürən Delil Aysalın məhkəməsi başlayıb.

BAKU.WS Türkiyə mediasına istinadən xəbər verir ki, İzmir 10-cu Ağır Cəza Məhkəməsində keçirilən iclasda məhbus şübhəli Delil Aysal, öldürülən Ergenin ailəsi, İzmir Sürücülər və Avtomobillər Palatasının sədri Celil Anık və tərəflərin vəkilləri iştirak edib.
Ergenin oğlu Mustafa Erge də saxlanıldığı həbsxanadan Audio və Video İnformasiya Sistemi (SEGBİS) vasitəsilə məhkəməyə qatılıb.

Saxlanılan təqsirləndirilən Aysal çörək sexində kassir işlədiyini, əvvəllər də psixiatriya xəstəxanasında yatdığını deyib.

Ailəsinin onu sevmədiyini deyən Aysal hadisə baş verən gecə depressiyaya düşdüyü və içkili olduğu üçün çölə çıxdığını iddia edib.

Taksidə kameraya yazılan səsyazısındakı ifadələri işlətmədiyini və görüntülərin manipulyasiya edildiyini iddia edən Aysal, silahında 5 güllə olduğunu və 2-sini havaya, 3-ünü isə zərərçəkmişə atəş açdığını deyib.

Məhkəmədə, hadisə anın və əvvəlinin kamera görüntüləri göstərilib.

Məhkəmə sədrinin "Maşına sağ tərəfdən minmisən, niyə gedib arxasında oturdun" sualına təqsirləndirilən Aysal "Mən də bilmirəm, həmişə belə otururam", - deyə cavab verib.

"Niyə öldürdün?" sualına Aysal "Niyyətim heç kimə zərər vermək deyildi, ailəmlə problemlərim olub", - deməsinə məhkəmə sədri "Sənin sıxıntılaının cəzasını başqa biri ödəməlidir?" - deyə qarşılıq verib.

Hadisə zamanı müttəhimin üzərində kəsilmiş əlcəklər olduğunu xatırladan hakim, "O əlcək soyuqdan qorunmur, daha yaxşı bir şeyi qavramaq üçün istifadə olunur. Qurbanı talan üçün öldürmüsən, yoxsa kef üçün?" sualını verib.

Təqsirləndirilən şəxs "Məqsədim özümü öldürmək idi, normalda o əlcəkləri geyinirəm" - deyib.

Məhkəmə sədri hadisədən sonra Oğuz Ergedənin üzərindən üzərində 2 lirə tapıldığını və pullarını alıb-almadığını soruşduqda, müttəhim taksidən pul götürmədiyini, sadəcə telefonu və qulaqcığı götürdüyünü iddia edib.

Oğuz Ergenin qızı Naz iştirak etdiyi məhkəmə iclasında psixoloqun müşayiəti ilə dinlənilib.

Naz təqsirləndirilən şəxsdən şikayətçi olduğunu bildirib:

"Atamın telefonundan mənə zəng vurdular, müttəhim yeri izah etdi və "ağır yaralıdır, təcili yardım çağır, mən çağıra bilmirəm" dedi, mən də əmimə və anama xəbər verdim".

Ergenin oğlu Mustafa Erge də müttəhimdən şikayətçi olduğunu bildirib və "Atamın etdiyi bir yaxşılıq idi. Deyəcək çox şey var" - bildirib.
Aysalın vəkili müttəhimin cinayət məsuliyyətinin olub-olmaması ilə bağlı arayış tələb edib.

Məhkəmə təqsirləndirilən şəxsin barəsində həbs qətimkan tədbirinin davam etdirilməsi və cinayət məsuliyyətinə təsir edəcək ruhi xəstəliyinin olub-olmadığını müəyyən etmək üçün Manisa Ruh və Sinir Xəstəlikləri Xəstəxanasına göndərilməsinə qərar verərək iclası təxirə salıb.

Telegramda izləyin