Lavrov Ukraynanı "beynəlxalq dilənçi" adlandırıb

"Kiyev hakimiyyəti indi beynəlxalq dilənçi kimidir"

Bunu Moskvada keçirilən "Avromaydan: Ukraynanın itirilmiş onilliyi" adlı konfransda çıxış edən Rusiyanın xarici işlər naziri Sergey Lavrov deyib.

Ukraynadakı vəziyyətlə bağlı açıqlamalar verən Lavrov, Kiyev administrasiyasının Rusiyaya qarşı apardığı müharibədə beynəlxalq yardım tələbini tənqid edib.

"Qərb Rusiyanı nəzarətdə saxlamaq, öz təbirincə desək, Rusiyanı strateji cəhətdən məğlub etmək və dünya səhnəsində layiq olduğu rolu oynamasına mane olmaq üçün Ukraynadan hər mənada istifadə edir. Nəticədə Rusiya İmperiyası (Çar Rusiyası) və Sovet İttifaqı dövründə ən zəngin və ən yüksək sənaye potensialına malik olan Ukrayna Avropanın ən yoxsul və yoxa çıxan regionuna çevrildi. Kiyev rəsmiləri indi beynəlxalq dilənçi kimi qələmə verilir",-deyə qeyd edib.

Lavrov Qərbin Ukraynaya dəstəyinin azaldığını diqqətə çatdırıb:"Top bizim meydançada deyil, bunu hamı bilir. Qərbin Ukraynaya verdiyi dəstək zəifləyir. Avropa Birliyinə üzv ölkələr Ukraynaya yardım üçün cəmi 144 milyard avro öhdəlik götürüblər, lakin 77 milyard avro vəsait ayrılıb".

Mənbə: azpolitika.info

Telegramda izləyin