Tərbiyə ailədən BAŞLAMALIDIR: "Harınlamış uşaqlar məktəbə gəlir, müəllimlərini saymırlar" - VİDEO

Rəqəmsal dünya bu gün həyatımızın parçasıdır. Geniş auditoriyaya əlçatanlıq yaradan rəqəmsal vasitələrdən, xüsusən yeniyetmə yaşında olanların düzgün istifadə etməməsi isə acı reallıqdır. Bəs problemin həlli nədədir?

Uşaqların sosial şəbəkələrin təsiri altında düşməsi, mobil telefonlara və internetə ifrat aludəçilik bu gün ailələr də valideyn-övlad münasibətlərini belə zədələyib. Orta məktəblərdə baş verən hadisələr, yeniyetmələrin qeyri-etik davranışları və üstəlik bu hərəkətləri çəkib lentə alması sadalananların əyani sübutudur.

Sonxeber.az xəbər verir ki, məsələ ilə bağlı filolofiya üzrə elmlər doktoru Esmira Fuad "ATV Xəbər"ə açıqlama verib:

"Hər bir insanın yetişməsində ilk olaraq ailə, daha sonra isə məktəb böyük rol oynayır. İndi valideynlərin müəllimə münasibəti ümumiyyətlə anlaşılan deyil. Sanki bəzi valideynlər qoçu hazırlayıb. Harınlamış uşaqlar məktəbə gəlir. Elə olur müəllimlərini saymırlar. Dərslərdə qulaq asan şagirdlərə belə təsir edirlər. Əgər müəllimin şagird qarşısında nüfuzu düşürsə, şagird sabah necə formalaşacaq".

Sosioloqlar bildirib ki, sosial şəbəkələr üzərində nəzarətin qurulmasına ehtiyac var. Ən əsas nəzarət isə ailədən başlanmalıdır.

Ətraflı "ATV Xəbər"in süjetində:

Telegramda izləyin