Vətən uğrunda şəhid olan sinif yoldaşları! Onlar həm dostluqları, həm də vətən sevgiləri ilə tarixə düşdülər - VİDEO

Əhliman Mehdiyev Mərzəli kəndinin Vətən müharibəsi zamanı verdiyi ilk şəhiddir. Döyüşlər başlayan ildə 18 yaşını yenicə tamamlayan igid o dövr ərzində müddətli hərbi xidmətdə idi. Xüsusi Təyinatlı Qüvvələrdə vətən borcunu yerinə yetirirdi. Ailəsi "Aztv Xəbər"ə Əhlimanın XTQ-də vətən borcunu yerinə yetirəcəyini biləndə çox sevindiyini deyib:

"3 ayın əsgəri olmağına baxmayaraq o, irəli getməyi özü istəyib. Özü ərizə yazıb. Təlimlərə və müharibəyə könüllü gedib. Mən fəxr edirəm ki, şəhid Əhlimanın anasıyam. Gənc və körpə olmağına baxmayaraq, adı bizim həmişə üzümüzü ağ, alnımızı açıq elədi".

Əhliman Mehdiyev snayperçi olub. Döyüş istiqamətinə yoldaşları ilə birgə Murovdağ istiqamətindən atılıb. Döyüşlər zamanı yaralansa da geri çəkilməyib. Son nəfəsinə qədər əlindən silahını yerə buraxmayacan qəhrəmanımız senytabrın 30-u şəhadətə ucalıb.

Mərzəli kəndinin digər bir qəhrəmanı isə Əhlimanın sinif yoldaşı olan şəhid Elçin Quliyevdir. Vətən müharibəsi başlayanda artıq bir ildir ki, Tərtərdə yerləşən N saylı hərbi hissədə müddətli hərbi xidmət keçən Elçinin döyüş yolu Suqovuşandan başlayıb:

"Çox cəsur uşaq idi. İnsan istər-istəməz o uşaqda fərəh hissi görürdü. Vətənpərvər uşaq idi. Allah rəhmət eləsin".

Şəhid qəhrəmanımız Suqovusan-Ağdərə istiqamətində qarşıya qoyulan döyüş tapşırığının icra edilməsində fəal iştirak edib. Müharibənin son gününü görməyi arzulayan Elçin oktyabrın 7-ə qədər döyüşlərdə iştirak edib.

Əhliman və Elçin bir sinifdə oxuyub. 11 il ayrılmaz dost olublar.

Ətraflı "AzTv Xəbər"in süjetində:

Telegramda izləyin