Sosial şəbəkədə tanış olub xaricə gedənlər NƏZƏRİNƏ " Qul kimi işlədirlər, başlarına min oyun gəlir"

Son zamanlar sosial şəbəkə üzərində xarici vətəndaşlarla tanış olub, ölkəni tərk edən vətəndaşların sayı artıb. Yaxın tarixdə Polşada iki aylıq uşağı ilə birlikdə itkin düşən azərbaycanlı Adilə Mehdiyevanın meyiti tapılmış. Eyni zamanda Azərbaycanlı qadın türk həyat yoldaşı tərəfindən vəhşicəsinə döyülüb. Sosial şəbəkələrdə tanış olub ölkəni tərk edən şəxslərin başına gələnlərin səbəbi nədir? Bununla bağlı hansı addımlar atıla bilər?

Məsələ ilə bağlı sosioloq Əhməd Qəşəmoğlu Sonxeber.az-a açıqlama verib.

O bildirib ki, sistemli şəkildə dövlətin bu işə qarışmasına ehtiyac var:

"Bu sahədə dövlət qurumları ilk növbədə maarifləndirici işlər görməlidir. Əlbəttə insanları inzibatı yolla heç nəyi qadağan etmək olmaz. Amma insanların bir çoxunu xarici ölkələrdəki vəziyyətlə bağlı aydın məlumata malik deyillər. İnsanlar elə bilir ki, xaricdə onları qeyri-adi imkanlar gözləyir.

Bu sahədə geniş maariflərdirmə işlərinə ehtiyac var. Orta məktəblərdə və universitetdə bu sahədə maarifləndirmə işləri aparılmalıdır. Türkiyəyəyə Rusiyaya gedib, "qul" kimi işlədilən, başına min oyun gələn insanlar tanıyıram. Ona görə də sistemli şəkildə dövlətin bu işə qarışmasına ehtiyac var. Bu hər hansısa bir təşkilatın işi deyil.

Dövlət qurumlar yarada bilər ki, xarici ölkəyə getmək istəyən vətəndaş ilk olaraq o quruma müraciət etsin. Səfirliklərimizdə ölkələrlə bağlı müəyyən məsləhət qrupları yaradıla bilər. Xaricə gedən hər bir şəxs Azərbaycan vətəndaşıdır. Onun taleyi bizim üçün maraqlıdır. Eyni zamanda bizim xaricdə olan diaspora təşkilatlarımız da bu məsələ ilə bağlı müəyyən işlər görə bilər".

Telegramda izləyin