Azərbaycanda daha bir dələduzluq növü: sms-lə pulları oğurlayırlar - VİDEO

Son zamanlarda 051 prefiksi ilə başlayan nömrələrdən əksər vətəndaşların balansının 5-10 və digər məbləğlərdə artırıldığı ilə bağlı sms-lər göndərilir. Sms-dən dərhal sonra isə istifadəçiyə balansına vəsait köçürən nömrədən zəng gəlir. Bildirilir ki, nömrə səhvən göndərilib və geri qaytarılmalıdır. Bunun üçün kart nömrəsi təqdim olunur. Belə yalanlara inananlar isə asanlıqla dələduzların toruna düşür:

Sonxeber.az xəbər verir ki, məsələ ilə bağlı, "Kaspersky" şirkətinin Azərbaycandakı nümayəndəsi Müşviq Məmmədov "AzTv Xəbər"ə açıqlama verib:

"Bu cür məlumatlara şübhə ilə yanaşmaq lazımdır. Həqiqətən belə bir narahatçılıq yaradılırsa, operatorlardan son ödənişlər haqqında məlumat almaq olar".

Nömrələrin məxsus olduğu mobil rabitə operatorlar bəyan edir ki, belə sms-lərin göndərilməsindən xəbərsizdirlər. Bu kimi hallar ilə qarşılaşan vətəndaş dərhal hüquq-mühafizə orqanlarına müraciət etsin. Eyni zamanda bu tip dələduzluğa məruz qalanlar yaşlı nəslin nümayəndələridir. Çünki bu şəxslərin texniki bilikləri az olduğundan onları rahatlıqla aldatmaq daha asandır.

Ətraflı "AzTv Xəbər"in süjetində:

Telegramda izləyin