Qərbi azərbaycanlılar Qarabağa köçürülə bilər? - AÇIQLAMA

1988-1991-ci illərdə Ermənistandan 300 minə yaxın azərbaycanlı deportasiya edilib. Qərbi Azərbaycandan didərgin düşən, anadan olan şəxslər məcburi şəkildə repressiya olunub. Əslində bu deportasiya deyil, etnik soyqırımıdır. Artıq torpaqlarımız artıq işğaldan azad olunub. Məcburi köçkünlərimiz artıq öz ata-baba yurdlarına qayıdır. Qərbi Azərbaycandan deportasiya edilən soydaşlarım Qarabağa köçürülə bilər?

Məsələ ilə bağlı, politoloq Turab Rzayev Sonxeber.az-a deyib ki, qərbi azərbaycanlıların Qarabağa köçürülməsi mümkün yanaşmalardan biridir:

" Çünki nəzərə alaq ki, Azərbaycan əsilli qaçqın və məcburi köçkünlər iki hissəyə ayrılır. Daha çox hissəsi Qarabağdan olsa da, Ermənistan ərazisindən köçürülmüş yaxud qaçqın düşmüş xeyli azərbaycanlı var. Onlar uzun müddətdir Azərbaycan dövləti tərəfindən dotasiya və maddi yardımı olaraq dəstək göstərilir. Azərbaycan dövləti məcburi köçkünləri məskunlaşdırdığı kimi qaçqınlarada şərait yarada bilər. Azərbaycanda artıq Qərbi Azərbaycan İcması yaradılıb və gücləndirilir. Burada məqsəd odur ki, Ermənistan Azərbaycana Qarabağ kartını istifadə edəcəyi təqdirdə Azərbaycan Ermənistana qarşı Zəngəzur, Göyçə və digər kartlardan istifadə edəcək. Belə təqdirdə Azərbaycan qərbli soydaşlarımızın hüquqları ilə bağlı məsələ qaldıracaq. Ermənistan tərəfi iddia etsə ki, Qarabağdan köçmüş ermənilər geri qayıtsın, Azərbaycanda qərbli soydaşlarımızın qayıtmasını tələb edə bilər. Bu minvalla əgər hansısa bir qərbi azərbaycanlıların Qarabağda məskunlaşmasına ehtiyac varsa, Qarabağın erməni icmasının tərk etdiyi ərazilərə köçürülə bilər. Bu tamamilə mümkündür".

Sevda Səfərova

Telegramda izləyin