Kamil Hüseynov Şuşaya işıq çəkən sahibkarın 5 milyon manatını mənimsəyib? - ŞOK İTTİHAM

Kamil Hüseynov Şuşaya işıq çəkən sahibkarın 5 milyon manatını mənimsəyib? - ŞOK İTTİHAM"Azərişıq" Qarabağa işıq çəkən sahibkarın çırağını söndürüb

Vətən Müharibəsindən dərhal sonra, cəmi 37 günə Şuşaya işıq çəkməyi bacarmış, Zəngilanın Ağalı kəndinə və işğaldan azad edilmiş digər ərazilərimizin elektirikləşməsində müstəsna xidmətlər göstərmiş "Enerji Constraction" şirkətinin haqqı ödənməyib! Pulu verməyən isə "Azərişıq" prezidenti Vüqar Əhmədovun ən yaxın dostu Kamil Hüseynovdur. "Enerji Constraction"MMC-nin təsisçisi, Laçında doğulmuş Yusif Eldar oğlu Yusifli "Yeni Müsavat"a deyib ki, sevinc içində, var qüvvəsi ilə gördüyü işlərə görə ona və 250 işçisinə, mal-material, maşın-texnika sahiblərinə külli miqdarda – 5 milyon manatdan yuxarı pulu ödəməyiblər!!!

Sahibkarın sözlərinə görə 2020-ci ildə "Dost Group" MMC-ni təsis edib və işə başlayıb. Sonradan MMC-nin adını "Enerji Constraction"a dəyişib:

"Təsisçi olmaqla bərabər MMC-nin direktoru da olmuşam. Şahin Mollayev vasitəsi ilə Kamil Hüseynovla tanış oldum. Kamil Hüseynov özünü mənə "Azərişıq" sədrinin ən yaxın dostu olaraq tanıtdı. Mənimlə tanış olandan sonra Kamil Hüseynov dedi ki, "Azərişığ"ın rayonlarda, işğaldan azad edilmiş Qarabağda görəcəyi işlər var, həmin işləri görə bilərsən? Mən də tapşırılan işləri görə biləcəyimi dedim. İlk olaraq Şəmkirin Qapanlı, Bayramlı, Gədəbəyin Qasımlı, Əyrivəng kəndləri təqdim olundu. Kəndlərdə görüləcək işlərin smetasını çıxarıb Şahin Mollayevə, o da Kamil Hüseynova təqdim etdi. Bundan az sonra Kamil Hüseynovla görüşdük, iş həcmləri, smetaları bir daha təqdim etdim, görüləcək işlərin qiymətləri ilə razılaşdıq və işə başladıq. Mənə dedi ki, işə başlayandan sonra görülmüş işlərin smetasını təqdim edəcəksən, həmin görülən işlərin dəyərinin üzərinə 10 faiz qoyulmaqla sənə veriləcək.

Məsələn, işin maya dəyəri 100 min manat olacaqsa, onun üzərində 10 faiz qazanc veriləcək. Mən də işləri görməyə başladım. Zavoddan borca transformatorlar, dayaqlar götürdüm. Bu işləri görmək üçün böyük vəsait lazım idi. Ona görə də dost-tanışlardan borc aldım, mağazalara, bazardakı iş adamlarına gördüyümüz işləri göstərib lazım olan mal-materialları borca götürdüm.

İşləri görüb qurtarandan sonra "Azərişıq" nümayəndələri, yerli, regional "Azərişıq" idarələrinin rəisləri gəldilər. "Enerji Constraction"la "Azərişıq" arasında rəsmi müqavilə bağlandı, gördüyüm işlərin Forma 2-ni "Azərişıq"a təqdim etdim. Yerli şəbəkənin, regional şəbəkənin və "Azərişıq"ın rəhbər şəxsləri Forma 2-ləri və sənədləri qəbul etdilər. Bütün gördüyümüz işlərə baxış keçirib təhvil aldılar.

Sahibkar deyir ki, Ali Baş Komandan İlham Əliyevin rəhbərliyi altında Qarabağ azad edildikdən sonra "Azərişıq" rəhbərliyindən ona Şuşaya işıq çəkmək təklifi gəlib: "Qarabağın, Şuşamızın alınması hər kəs kimi bizi də sevindirir. Bu iş təklifi gələndə can-başla razılaşdıq. Bilirdik ki, ərazi minalanıb, ərazidə işləyəcək işçi briqadalarımıza, maşın-texnikalarımıza təhlükə var, bununla belə 1 gün fasilə vermədən işə başladıq. 2020-ci ilin dekabrında artıq işə sahədə start vermişdik.

Çox qısa müddətə Füzulidən Şuşaya yüksək gərginlikli elekrtik xəttləri çəkdik. Mən Qarabağda tapşırılan işləri gördüyüm müddətdə maliyyə məsələlərini Kamil Hüseynov öz üzərinə götürdü. O, özünü "Azərişıq" rəhbərinin ən yaxın dostu kimi təqdim etdiyindən, ona inamım vardı. Ödənişlər, müqavilələr Kamil Hüsyenovun rəhbərliyi altında həyata keçirildi".

Sahibkar deyir ki, "Azərişıq" rəhbəri Vüqar Əhmədov onun gördüyü işlərə şəxsən diqqət göstərib, əraziyə gələrək görülən işlərin gedişatı ilə maraqlanıb: "Qarabağda işlədiyimiz müddətdə özü şəxsən gördüyümüz işlərlə maraqlanırdı, zəng edirdi, hər bir işçinin sıxıntısı, çətinlikləri ilə maraqlanırdı. Ödənişlərin vaxtında verilməsi tapşırıqları verirdi. Vüqar Əhmədovun tapşırığı əsasında işləri görüb "Azərişıq"a təhvil vermişik. Ödənişlər "Enerji Constraction"a gəlib, lakin Kamil Hüseynov görülən işlərin pulunu mənə ödəməyib. Halbuki, əlimdə görülən işlərin həcmləri, sənədlər var. Yalandan deyir ki, guya o, işləri görməmişik. Dəfələrlə yoxlanılıb, təsdiq olunub ki, işlər görülüb, yerli şəbəkələr müvafq yoxlamalar aparıb və görülən işləri təhvil alıblar.

Basdırdığımız dayaqlar sayılıb, çəkdiyimiz kabellərin hər bir metrəsi ölçülərək təhvil alınıb. Bütün görülən işlər sənədlərdə əksini tapıb. Bəzi işlər var ki, ödənişi ümumiyyətlə edilməyib. Kamil Hüseynova demişəm ki, vəsait, ödəniş lazımdır, çünki borc aldığım adamlar məni sıxır, evimə gəlir, məni narahat edirlər. Kamil Hüseynov da deyib ki, görülən işlərə görə hələ müqavilə bağlanmayıb, müqavilə bağlanandan sonra ödəniş olacaq. Sonradan öyrəndim ki, gördüyüm işlərə görə müqavilələr başqa firmalarla bağlanıb. Pul başqa firmalara köçürülüb və oradan da mənimsənilib".

Sahibkar hesab edir ki, bu məsələlərdən Vüqar Əhmədovun məlumatı yoxdur, baş verənlər onun yaxın dostu Kamil Hüseyovun öz oyunudur: "Vüqar Əhmədov tapşırıq verib, iş mənə verilib, surətlə müqavilələr bağlanıb, işlərin tez bir zamanda görülməsi üçün əlindən gələni edib, ödənişlər də olunub. Lakin Kamil Hüseynov tərəfindən həmin ödənişlər mənə çatdırılmayıb, mənimsənilib".

Sahibkar deyir ki, bəzi işlərin vaxtında görülməməsi Kamil Hüseynovun vaxtında ödəmələri etməməsi ilə bağlı olub: "2 aya görəcəyimiz iş 5 aya qədər uzanırdı. Çünki ödənişlər edilmirdi. İcarəyə götürdüyümüz maşın-texnikalar da boş dayanırdı. Amma məcbur qalıb ödənişləri özümüz edirdik. Hər dəfə də deyirdi ki, işlə, işləri gör, pulun verləcək. Mən də işləmişəm. 5 milyon manatdan yuxarı borc yaranıb. Bü gün mən "Enerji Constraction" təsisçisi olsam da, şikətin direktoru Kamil Hüseynovun öz adamıdır. Şirkətə yaxınlaşan işçilərə də deyirlər ki, pulu Yusifə – guya mənə ödəyiblər. Amma pulu harda, necə ödədiklərini deyən yoxdur. Mən də deyirəm ki, sənəd verin. Mənim ödənişlərimi ödəyin".

Sahibkar deyir ki, Kamil Hüseynov 1 ildən artıqdır ki, onunla görüşməkdən yayınır: "Telefon zənglərimə də cavab vermir. Qəbuluna gedirəm, qəbul etmir. Mən üzərimə düşən işləri artıqlaması ilə görmüşəm. Ali Baş Komandanın rəhbərliyi altında, Qarabağda işlərin tez bir zamanda görülməsi üçün üzərimə düşən işləri vaxtında və vicdanla yerinə yetirmişəm. Hərbi hissələr, həyati vacib obyektlərin işıqlanması üçün əlindən gələni etmişəm.

37 günə Füzulidən Şuşa şəhərinə, Kəlbəcərin Alagöllər kəndinə elektrik çəkmişik, qarın hündürlüyü 2 metrə çatdığı bir vaxtda fasilə vermədən işə davam etmişik. Doğulduğum Laçına ilk işıq xəttini çəkmişəm. Zəngilanın Ağalı kəndinə işığı mən "Enerji Constraction" olaraq çəkmişəm. Bunu yerli şəbəkələr də, Qarabağ Regional Eneji İdarəsi də təsdiqləyir. İşləri görən mən olmuşam, amma ödənişlər başqa firmalara olub və pulu da oradan nağdlaşdırıb götürüblər. Ona görə də çox acınacaqlı duruma düşmüşəm. Vəd verirlər, ödənişlərimi vermirlər".

Sahibkar deyir ki, 2023-cü ildə komissiya yaradılıb və guya komissiya gedib yenidən yerində araşdırma aparıb borcunu ödəyəcəklərini vəd ediblər: "Komissiya getdi, araşdırdı, qayıtdı gəldi. Mən bu işi mənasız sayırdım. Çünki mən bütün işləri bir-bir təhvil vermişəm. Yoxlayıb təhvil götürüblər. Təhvil götürdükləri işləri bir də saydılar, yoxladılar. Təklif etdim ki, gəlin, akt bağlayaq, imzalayaq. Dedilər ki, akt bağlaya bilməzlər, bunun üçün Kamil Hüseynov icazə verməlidir.

Heç bir üzləşmə aktı vermirlər, mənimlə hesablaşmırlar. Mənim vəziyyətim olduqca pisdir, borc, mal-material sahibləri qapıma gəlir, məndən şikayətlər edirlər. Ona görə də ölkə rəhbərliyinə, Ali Baş Komandana, "Azərişıq" rəhbəri Vüqar Əhmədova müraciət edirəm: Sizlərin xoş niyyətinizdən, güvəncinizdən istifadə edib ətrafınızdakı insanlar yalan danışır, bizim kimi iş adamlarının, Qarabağda əziyyət çəkənlərin haqqına girirlər. Mənim Qarabağda 250 nəfərə yaxın işçim işləyib. Onlardan 30 nəfərə yaxını Vətən Müharibəsinin iştirakçıları olub. Hamımızın haqqını girdilər, pulumuzu vermədilər".

Sahibkar deyir ki, Şuşaya işıq çəkilməsi ilə bağlı dövlət televiziyası qısametrajlı sənədli film çəkib və efirə verib. Vüqar Əhmədovdan xahiş edir ki, ən yaxın dostu Kamil Hüseynovun onu aldatmasının qarşısını alsın: "Kamil Hüseynov pulları mənimsəyib. Yalandan deyir ki, bizim Yusifə borcumuz yoxdur. Mən ortaya sənəd qoyuram. Onlar isə boş sözlərdən başqa heç nə qoya bilmirlər. Çünki mənə çatacaq pullar Kamil Hüseynov tərəfindən mənimsənilib. Xahiş edirəm ki, Vüqar Əhmədov bu məsələyə son qoysun, mənə çatacaq pulların ödənməsini təmin etsin".

P.S Yazıda adı hallanan hər kəsi dinləməyə, mövqeyini dərc etməyə hazırıq./musavat.com


Sonxeber.az Telegramda izləyin instagramda izləyin
Sosial   Baxılıb: 1944   Tarix: 23 fevral 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Sumqayıtda müəllim vəfat etdi

Sumqayıt şəhər 24 saylı tam orta məktəbin müəllimi vəfat edib. Qaynarinfo xəbər verir ki, bu barədə sosial şəbəkələrdə məlumat yayılıb. Bildirilib ki, ötən gün sözügedən məktəbin ingilis dili müəllimi Xuraman Əliyeva qəfil dünyasını dəyişib

23 aprel
.

Azərbaycanda zəlzələ oldu

Goranboyda 3.1 bal gücündə zəlzələ olub. Respublika Seysmoloji Xidmət Mərkəzinin saytına istinadən xəbər verir ki, Gəncə stansiyasından 17 km şərqdə, Goranboy rayonunda zəlzələ qeydə alınıb. Tektonik təkanlar bu gün 04:27-də 13 km dərinlikdə müşahidə olunub. Zəlzələ hiss olunmayıb

23 aprel
.

"Baku electronics"ə cərimə yazılmasının səbəbi açıqlandı

"Baku electronics" MMC-yə inzibati protokol yazılıb. -ın xəbərinə görə, protokol müvafiq qurum tərəfindən İnzibati Xətalar Məcəlləsinin 44.2-ci (Satılmış malların dəyişdirilməsi və ya geri qaytarılması qaydalarının pozulmasına görə altı yüz manatdan doqquz yüz manatadək məbləğdə cərimə edilir

23 aprel
.

Azərbaycanla Türkiyə arasında ikiqat vergitutma ləğv edilir

Azərbaycanla Türkiyə arasında gəlirlərə görə ikiqat vergitutmanın ləğv edilməsinə dair saziş təsdiqlənib. Report-a istinadən xəbər verir ki, bununla bağlı "Azərbaycan Respublikası Hökuməti ilə Türkiyə Respublikası Hökuməti arasında gəlirlərə görə vergilərə münasibətdə ikiqat vergitutmanın arada

23 aprel
.

Culfada dəhşətli qəza: Ölənlər var - FOTO

Naxçıvan Muxtar Respublikasının Culfa rayonu ərazisində ağır yol-nəqliyyat hadisəsi baş verib. "Report"un yerli bürosu xəbər verir ki, Ərəzin kəndi ərazisində baş verən hadisədə "Chevrolet Niva" markalı avtomobillə "Tofaş" markalı maşın toqquşub. Nəticədə Kamal Qürbət oğl

23 aprel
.

Övladları Rəşad Dağlının 40 yaşını belə təbrik etdi - VİDEO

Ötən gün meyxanaçı Rəşad Dağlının 40 yaşı tamam olub. xəbər verir ki, onun övladları Yusif və Betül atalarını təbrik edib, daha sonra kiçik ad günü tortunun şamlarını üfürüblər. Hazırda həbsdə olan Rəşad Dağlını həmkarı Baləli də təbrik edib. O meyxanaçının ad günün gələn il öz evində qeyd etməsini arzulayıb

22 aprel
.

"McDonald’s Azərbaycan" və DSMF qazi övladları üçün seminar təşkil ediblər - FOTO - VİDEO

"McDonald’s Azərbaycan" şirkətinin və Dövlət Sosial Müdafiə Fondunun birgə təşkilatçılığı ilə qazi övladları üçün 23 aprel Ümumdünya Kitab Gününə həsr olunmuş seminar təşkil olunub. Bakı şəhəri və ətraf ərazilərdə yaşayan 30-a yaxın qazi övladının iştirak etdiyi seminarda xüsusi qonaq qismind

23 aprel
.

Astarada intihar edən yeniyetmə ilə bağlı bəzi təfərrüat MƏLUM OLUB - YENİLƏNİB + FOTO

Astarada intihar edən yeniyetmə ilə bağlı bəzi detallar məlum olub. -ın əldə etdiyi məlumata görə, intihar edən yeniyetmənin ailəsinin maddi vəziyyəti yaxşı olmayıb və o, bu səbəbdən dərsdən sonra neft məhsullarının satışı ilə məşğul olub, qazancını isə ailəsi ilə bölüşüb. Mərhumun atasının Bakıda işlədiyi

23 aprel
.

Bakıda bəylə gəlinin qeyri-ənənəvi addımı müzakirələrə yol açdı - VİDEO

Azərbaycanda bəylə gəlinin rəqsi müzakirələrə yol açıb. Ölkə.Az-ın məlumatına görə, Bakıda baş tutan toyda lentə alınan görüntülər diqqət çəkib. Məşhur restoranlardan birində bəylə gəlinin zala daxil olması ənənəvi vağzalı musiqisi ilə müşayiət olunmayıb. Belə ki, onlar qapılar açılar-açılmaz əcnəb

22 aprel