Novruz bayramına görə hansı məhsulların QİYMƏTİ ARTACAQ? -CAVAB

Hər dəfə bayram ərəfəsində qiymət artımları müşahidə olunur. Xüsusən də Novruz bayramı ərəfəsində bir çox məhsullar bahalaşır. Bəs bu il qiymət artımı necə olacaq?

Məsələ ilə bağlı iqtisadçı Xalid Kərimli Sonxeber.az-a açıqlama verib

O bildiirb ki, bayrama xas qiymət artımları ola bilər:

"Son bir aylıq qiymət artımı 0.5 faizi təşkil edir. Qiymət artımı ərzaq məhsullarında daha çox(1.1 faiz) müşahidə edilib. Keçən ilin yanvar ayı ilə müqayisədə inflyasiyanın səviyyəsi 1.7 faiz təşkil edir. Yəni12 aylıq inflyasiya 1.7 faizdir. Qiymət artımına əsas meyvə tərəvəz daha çox müşahidə edilir. Qalan məhsullar üzrə qiymətlər dəyişməyib. Bu il Azərbaycanda inflyasiya 4-5 faiz olacaq. Çünki dünyada da inflyasiyada ləngimə var. Qiymətlər demək olar stabilləşib. Dünya Ərzaq Təşkilatının ərzaq qiymətlərinə baxdıqda qiymətlərdəki enişləri müşahidə edirik. Bu bizə də təsir edir. Mart ayında, xüsusi ilə də bayram ərəfəsində ərzaq məhsullarına təlabat artdığı üçün, bayram istehlakına aid olan ərzaqların müəyyən müddətlik qiymət artımını müşahidə edə bilərik. Hamı eyni anda eyni məhsul aldığı üçün qiymətlərdə artım müşahidə oluna bilər. Amma bu daimi olmayacaq. Bayrama xas qiymət artımları ola bilər, amma bayramdan sonra qiymətlər yenidən stabilləşəcək"

Telegramda izləyin