Ayağına mismar batan uşaq düzgün müayinə olunmadığından səhhətində ciddi problem yaranıb - İDDİA

Ayağına mismar batan 10 yaşlı uşaq sonradan müalicə olunsa da, səhhətində ciddi problem yaranıb.

Sonxeber.az xəbər verir ki, Tərtər rayonu Hüsənli kənd sakini Teymur Hüseynov "Xəzər Xəbər"ə açıqlama verib. O, övladının ayağında problem yaranmasına görə, rayon mərkəzi xəstəxanasının baş tibb bacısı Vüsalə Məmmədovanı ittiham edir. O deyib ki, övladının ayağına mismar batdığı üçün xəstəxana müraciət edib. Vüsalə Məmmədova uşağı müayinə edib və müalicə yazıb. Ancaq bir neçə ay sonra uşağın ayağında irin və şiş əmələ gəlib.

"Keçən il mart ayının 4-də uşaq həyətdə oynayarkən ayağına mismar batdı. Təcili tibbi yardımı yığdım. Dedilər ki, biz evə gəlmirik. Apardıq Tərtərə. Adil və Vüsalə həkimə saat 4-5 radələrində vəziyyəti danışdım. Dedilər iynə vura bilmərik. Ancaq təmizləyəcəyik".

Övladının ayağının sağalmadığını görən ata sonradan paytaxtdakı klinikalara müraciət edib. Həkimlər uşağın ayağının tezliklə əməliyyat edilməli olduğunu deyiblər.

"Orada 2-3 dənə özəllərə müraciət etdik. Baxdılar və dedilər ki, yarılıb çıxarılmalıdır. Dedilər ki, ayağında yad cisim var. Ayağına mismar batarkən rezin içində qalıb və çirk edib".

Şikayətçinin sözlərinə görə, o uşağın səhhətində yaranmış problem ilə bağlı ilkin müalicəni aparmış Vüsalə Məmmədovaya məlumat versə də şikayətlərinə önəm verməyib.

Ətraflı "Xəzər Xəbər"in süjetində:

Telegramda izləyin