Ağalının körpə sakinləri: İlk addımlarını doğma yurdda atacaqlar - FOTO

Zəngilan rayonunun Ağalı kəndində doğulan və orada böyüyəcək artıq 6 körpə var. Onlar ilk addımlarını orada da atacaq, ilk sözlərini Ağalıda deyəcək və böyüyəcəklər.

Ağalı Ailə Sağlamlıq Mərkəzinin bölmə müdiri Ceyran Abbasova AzVision.az-a açıqlamasında bildirib ki, Ağalının körpə sakinlərindən 2-si qız, 4-ü oğlandır.

"Ağalıda xəstəxana olmadığı üçün körpələrdən ikisi Beyləqan Rayon Mərkəzi Xəstəxanasında, digərləri Bakı şəhərində dünyaya gəliblər. Hamısı indi Ağalı kəndində böyüyür. Onlardan biri də bizim balaca qızımız Rüqəyyadır.

Eyni zamanda ana olmağa hazırlaşan üç qadın var ki, onlardan biri səhhəti ilə əlaqədar Bakıdadır".

Ağalının 6 körpəsinin şəkillərini təqdim edirik:
Ağalının ilk körpə sakini Fidan
2-ci doğulan körpə Uğur
3-cü körpə Turan
4-cü körpə Aqil
5-ci körpə Rüqəyya
6-cı körpə Rəvan

Telegramda izləyin