Diz çökdürülən separatçıları ayağa qaldırmaq cəhdi: terrorçular İrəvanda "xortladı" - VİDEO

Qarabağdan qaçıb İrəvana sığınan er1məni separatçı rejimin tör-töküntüləri yenidən baş qaldırmağa çalışır. Keçmiş separatçı qurumun "spikeri" Artur Tovmasyan ötən ay İrəvanda tədbirdə çıxış edərkən yenidən fəaliyyət göstərəcəklərini bildirmişdi. Məlum olur ki, onlar koordinasiya olunmaq üçün özlərinə yeni bir qondarma komitə yaradıblar. Məqsədləri, ideallarını beynəlxalq platformalara daşımaqdır.

Sonxeber.az xəbər verir ki, məsələ ilə bağlı Milli Məclisin deputatı Elşad Mirbəşiroğlu "Aztv Xəbər"ə açıqlama verib:

"Ermənistan münbit şəraitin yaranacağına ümid edir. Bu istiqamətdə Ermənistana kənardan vədlər verilməkdədir. Azərbaycana qarşı revanşa səsləndirilir. Separatizmin Ermənistan ərazisində aktual olaraq qalması gələcəkdə onlardan Azərbaycana qarşı istifadə olunacağı haqda təsəvvürləri daha da möhkəmləndirir".

Separatçıların yenidən baş qaldırması riyakar Paşinyan hakimiyətinin və Fransanın marağındadır. Çünki proseslər hakimiyyətin və qərbin dəstəyilə açıq şəkildə cərəyan edir. Nəzərə almaq lazımdır ki, hələ separatçıların qanunsuz əməllərinə Ermənistan hakimiyyəti və erməni diasporası külli-miqdarda maliyyə vəsaiti ayırır. Hətta bir müddət əvvəl separatçılar və hakimiyyət arasında 800 milyon dollarlıq maliyyə qarşıdurması yaranmışdır.

Ətraflı"Aztv Xəbər"in süjetində:

Telegramda izləyin