İşğaldan azad olunmuş şəhər və rayonlarda şəhidlərimizin adları əbədiləşdirilməlidir! - AÇIQLAMA

Bu gün şəhid və qazi ailələrinə diqqətin ayrılması ölkənin ən əsas vəzifələrindən biridir. 44 günlük müharibə və antiterror əməliyyatlarında şəhid olan igidlərimizin adının əbədiləşdirilməsi məsələsi daim dövlətimizin diqqət mərkəzindədir. Bəs işğaldan azad olunmuş ərazilərə və Qarabağın iqtisadi rayonlarında şəhidlərimizin adlarının əbədiləşdirilməsi üçün hansı işlər görülməlidir.

Mövzu ilə bağlı hərbi ekspert Elxan Şıxəliyev Sonxeber.az-a açıqlama verib:

"İşğaldan azad olunmuş rayonlarda infrastruktur qurulduqca və inşaat işləri tamamlandıqca o rayonlarda yaxud şəhərlərdə şəhidlərimizin adları əbədiləşdirilməlidir. Xüsusən tikilən məktəblərə, küçələrə, adların verilməsi və ailələrin yaşadığı yerlərdə adların vurulduğu lövhələrin əks olunması çox vacibdir. Bu bizim mənəviyyatımızı, şəhidlərimizə və şəhid -qazi ailələrinə verdiyimiz dəyər, qanımız və canımız bahasına azad etdiyimiz ərazilərə daşınmalıdır. Qazilərimizin və şəhid ailələrimizin, o cümlədən həmin ərazilərdə yaşayacaq ailələrin sosial təminatlarına dair addımlar atılmalıdır. Eyni zamanda işğaldan azad olunmuş Qarabağ ərazisində güzəştli şərtlərdə yaşamaları təmin olunmalıdır. Bu da özündə Bakıdan keçmiş məcburi köçkünlərin köçürülməsini asanlaşdıracaq. Ona görə geniş proyektlər var. İşğaldan azad olunmuş ərsziəlr və Qarabağın iqtisadi rayonlarında bərpa quruculuq işləri davam etdikcə bunlar ilə yaxından tanış olacağıq".

Azərbaycanın ərazi bütövlüyü uğrunda canlarını fəda etmiş şəhidləri tək bir amal birləşdirirdi: "Təki, Vətən yaşasın". İllər ötsə də, şəhidlərimiz heç vaxt unudulmur və dərin ehtiramla yad edilir.

Sevda Səfərova

Telegramda izləyin