"Açarın şəklini gətirəndə cinayətdir" - Sənədsiz açarların çıxarışlarına görə məsuliyyət var? - VİDEO

Günümüzdə oğurluq halları hər keçən gün artır. Əlbəttə ki, oğrular dəfə fərqli üsullardan istifadə edirlər. Bunlardan ən qorxulusu evinizə ev sahibi kimi girmələridir. Açarımızı diqqətimizdən bir dəqiqə kənara qoymağımız kifayətdir ki, bu niyyətli insanlar öz istəklərinə nail olsunlar. Bəs açar surəti çıxarılan yerlərdə xidmət qarşılığında hansı sənəd-sübut tələb olunur.

Sonxeber.az xəbər verir ki, sakinlər "Apa TV"yə açarın surətini çıxaran yerlərin sadəcə zəhmət haqqını - yəni ödənişi tələb etdiklərini deyib. Açar ustaları isə bildirib ki, onlarda heç bir rəsmi hesabat tələb olunmadığı üçün, onlarda müştərilərdən hər hansısa bir sənəd tələb etmirlər:

"Açarın özü gətirilibsə, mən onun surətini çıxara bilərəm. Bunun şəklini gətirsən isə mənim üçün cinayətdir. Respublikada qərar versələr ki, surətini çıxarmağa gedən şəxsiyyət vəsiqəsini aparmalıdır, bu zaman biz onu götürə bilərik yaxud gündəliyə yaza bilərik. Bu zaman polis yaxınlaşanda mən ona göstərə bilərəm ki, şəxsə bu tarixdə açarın surətini çıxarmışam. Əks halda bunu bilmək olmur".

Ev açarı ustalarından fərqli olaraq, maşın açarı ustaları vətəndaşlardan müəyyən sənəd tələb etdiklərini deyirlər.

"Açarı düzəldən zaman müəyyən sənədlərə baxırıq və sonra isə hazırlayırıq".

Ətraflı "Apa TV"nin süjetində:

Telegramda izləyin